嘩嘩嘩~呢期除左ICE BUCKET CHALLENGE 吹得好行之外，另一款產品都係我既FACEBOOK大大力被盛傳，講緊既就係SOFINA既Primavista完美持妝蜜粉，其實之前只係聽到佢既功能同賣點就已經非常想試用架喇~今次如願以賞，就等我為大家率先試用呢個甘完美既產品，快D黎睇我分享啦~ 先講點解未試就吸引到我啦~因為佢係防汗水․防油，而且加上佢透明感極高，所以用後可以即刻融入皮膚， 透出自然光澤，令個妝可以成日都唔會變色、暗淡。 盒上亦都有寫明用法，先撕走粉盒上既貼紙，之後上下倒轉搖幾下就可以將粉輕輕撲上面。如果用唔慣粉撲既girlz，都可以倒少少係粉蓋度，再用掃上，不過呢個方法就會嘥粉少少。 好喇試上面之前俾大家見下我既膚質先，雖然係早上洗完面，但唔夠半個鐘已經開始出油喇~~~而且額頭劉海位置都已經出汗，頭髮都濕濕地~再要係面上搽晒所有精華呀~cream呀，更加可以話係笠呀~ 而當然我唔係就甘搽晒d野就上個粉啦，我自己就最鐘意用sofina既3合1完美遮瑕霜，因為佢本身有少少色，而且都非常透薄，唔會好似粉底液甘厚，所以夏天我多數都只係搽佢，之後就會上粉。 上完個base，上個粉喇，d粉本身無咩顏色，而且好薄。我感覺係上既時候d粉係好幼滑，而且好易推開。而且本身我面上有油有汗既位置，上左粉之後會好似吸油紙甘馬上吸走晒。成個妝都變得乾爽，而且皮膚都感覺更亮白。 當 然如果平日只係普通返工呀，返學呀，上個底已經可以令皮膚變得好健康亮白甘，如果想令個樣睇落更加醒神就可以再加多少少唇膏，sofina既AUBE couture彩形持久水感唇膏，擁有高保濕成分，而且持久滋潤，除左整體妝容更好之外，亦都可以防止埋唇紋、脫皮等問題啦~ 以上既分享就到呢度喇~希望大家鐘意啦~ 以上產品由itrail提出試用，上述分享只代表我個人立場
