雖然已經過左懷孕期，但都好想同大家分享~~~ 記得之前CarTungBaBy去左Nutricia既雙職媽媽課程無耐之後，都收到好多朋友問多D個課程 詳細既情況，而好幸運CarTungBaBy可以獲Nutricia既邀請，再去雙職媽媽課程一次為大家作一個詳細既報導。其實之前 CarTungBaBy都講過Nutricia雙職媽媽課程唔係以講課形式進行，而係一個有得食、有得有聽同有得玩既course，而因為我想真係詳細d 講，今次就講左有得食個part先啦~ 現 時Nutricia雙職媽媽課程既上課地點分別係有銅鑼灣同太古(可以係報名時揀返個地點)，而我今次上課地點係太古個邊。 一入到門口首先會有一個牌介紹當日既導師~之後就會有好親切既Nutricia工作人員在外迎接，記得先去登記返自己個名， 之後就霸個靚位(早去有著數，所以唔好遲到呀~)。 坐定定之後，會見到枱面上有當日既notes、圍裙同埋名片，大家首先係圍裙同埋名片寫返自己個大名先啦~到課堂完左之後，工作人員就會用燙斗燙下你寫左名既圍裙，甘就會成為一條獨一無異專屬自己既圍裙，就算拎去洗都唔會甩色架~ 好 喇人齊就開始喇~~首先會由MC簡單講解當日課程既流程，同【ENP】科學既理念，其實根據【ENP】科學，BB既終生健康最多約有20%係受基因遺傳影 響，其餘80%可受早期成長關鍵期既環境因素，例如營養、情緒管理同體能運動等影響，所以懷孕中既媽媽，甚至懷孕前，係可以對BB既終生健康帶黎深遠影 響。(In your language) 因此 Nutricia MBA雙職媽媽課程精選左多位專業而雙職兩全既星級導師幫大家。 簡單介紹完之後，就開始第一個環節，就係營養，當日我地好有幸係由coco為大家示範點整一個又簡單又健康既"蘋果核桃碎餅"，開頭我見到呢個食譜好複雜，做落就知原來好易，而且需要既材料同用具都好簡單。 首先準備好D食材先~~ 大家唔使擔心要記STEPS架，大家係會一齊跟住導師整，一步步黎，一定會等埋你架。首先係切左之蘋果。 之後放葡萄乾同糖同D蘋果一齊煮淋。 之後就由D蘋果煮住先，而呢個時間就可以開始整面頭個層核桃碎餅，都係好簡單，將D材料撈埋一齊就OK架喇~ 之後將煮淋左既蘋果放入焗碗。之後再將核桃碎餅平鋪係蘋果上面，之後就可以拎去焗架喇~ (今次咕咕爸都有出手幫忙~) 未焗之前個樣就係甘架喇~ 係等焗好既過程中，COCO亦都分享佢當年懷孕既一D心得同佢自己既一D健康食譜 TIPS，例如點樣可以肥B唔肥媽啦~~ 真係袋左唔少錢落袋呀~~~ 好喇~~焗好喇~未拎出黎之前，已經聞到陣陣既香味~放到面前時，簡直係一種誘惑，忍唔住想大啖大啖甘食喇~而整個食譜都真係好簡單，所花既時間真係唔多，而且如果屋企無焗爐既朋友，可以轉用光波爐、微波爐都得。所以係非常方便。 睇下咕咕爸已經忍唔住急不及待係度食喇~~佢真係好ENJOY wor~唔好阻住佢食喇! 而我當然就好想同COCO合影啦~~ 我諗成個煮食過程約45分鐘，而過程中會真係有種快樂不知時日過，大家都會好享受個過程，而一D拘謹既感覺都無，而且食唔晒或者想留返俾自己既HONEY食，亦都可以包走，所有工作人員亦都對每位媽媽既需求照顧周到。其實如果單單係導師煮俾大家食，我就覺得無咩意思，可能最多都只係知食呢D個D有咩營養，但係而家可以邊學邊煮，自己有得食之餘，亦都加深左對食譜既烹調方法同營養價值，就算課程已經完左，但我自己都可以久唔久整下呢個食譜，因為我真係學過點整，同真係好簡單嘛！ 之後落黎既有得聽篇，就要留意我既下一篇文章喇~ 有興趣就去呢個網度登記啦~ http://www.nutriciamba.com/intro.php Normal 0 0 2 false false false EN-US ZH-TW X-NONE MicrosoftInternetExplorer4
