CarTungBaBy已經陀左咕咕B成8個幾月喇~係時候要執定個走佬袋喇~~由於 CarTungBaBy係揀左開刀生，所以係私家醫院會包左基本既孕婦用品包括床墊、孕婦衛生巾、網褲等...而欠缺既就係清潔用品喇~而今次介紹既呢係 可以產前產後都岩用既helan孕育適洗髮沐浴露同女性潔淨液。 我亦都知道好多人都話生左之後坐月其間唔好沖涼，但其實只係以前怕身體會入風既傳聞，只要清潔後即刻保暖就無問題，最重要真係保持身體乾淨架~由其係餵母乳既媽媽，如果唔係身體有異味時，bb會唔飲奶架喇~ 今次介紹既helan 孕育適洗髮沐浴露，好方便，一支可以洗頭沖涼，而且佢不含化學起泡劑SLS同SLES、防腐劑同色素，性質特別溫和細緻，令肌膚得到徹底潔淨同滋潤，可以有助肌膚重組、紓緩同鎮靜肌膚，所以好適合懷孕同餵哺期使用架~ 點擊圖片放大 唧 出黎時係gel狀，比較水質無市面一般既沐浴露甘厚身，帶有微微既花香味，而用既時候亦唔會感覺好多泡泡，沖完身之後感覺唔會好崩緊，感覺好自然同清爽。 而大家唔好以為二合一既就一定洗頭方面比較弱，初時我都以為係，但原來佢既洗髮功效更好，沖完真係好乾淨好清爽，唔會仲有油膩感係頭髮上，而且洗完之後都 唔會話令頭髮變得乾旱，可以連護髮素都唔使落。 至於另一支既女性潔淨液，佢亦係不含化學起泡劑SLS同SLES、防腐劑同色素，佢既弱鹼性pH值，可以去除陰部多餘既分泌物，有效抑制白色念珠菌，維持陰部pH值平衡，保持清爽潔淨。而蘊含茶樹油成分，可以有效預防發炎或搔癢。 點擊圖片放大 佢既質地同孕 育適洗髮沐浴露好相似，都係gel狀，但味道就唔同，無花香味。而我個人就覺得用後真係唔會感覺乾同痕癢，本身CarTungBaBy都係用開gel狀， 但個款牌子需要用好多先可以感覺係洗得乾淨，而Linea Mamma女性潔淨液就只需要用好少就得。而且之前用開既用後都會覺得下面好乾，但Linea Mamma女性潔淨液就唔同，用後好舒服，唔乾。最重要係無剌激性既成份，懷孕中既媽媽都岩用。 總結：其實未試用之前，我自己都係用開普通既沐浴露、洗髮露同清潔液。但試用左Helan既孕育適洗髮沐浴露同女性潔淨液之後，就覺得用專為媽媽設計既清潔用品，皮膚係舒服好多，因為懷孕之後，我發覺皮膚感覺係敏感左，好多野少少既唔同都會有反應。所以我本身都已經用緊d較溫和既清潔用品去沖涼，但用後都要用大量既lotion去做補濕，但用左Helan之後，皮膚感覺唔會崩緊，變得自然，而且唔需要搽到成身淋痴痴既lotion去訓覺喇~~ 我既分享就到呢度，希望大家喜歡啦~ 以上產品由Helan提供試用
