系統分類:Dining| 又到左一周一個既珍貴星期五，每到呢一日，我都特別 想對自己好D，食D好野。早前CarTungBaBy既老闆唔知因咩事好開心，請左我地大約十位同事(包括我在內啦~)有埋專車(司機就係老闆了~呵 呵)，帶我地去食好野，佢就揀左間我個人認為真係幾高級又貴既餐廳食大餐，講緊既就係渥鐵板燒日本料理~~~ 當日大家就各自點一份set，有牛肉或鱈魚揀，揀牛肉set一人份($740)，而揀鱈魚set就一人份($560)，都相當之貴呀~~~ 相中既呢款飛彈牛更加要成八百幾一人份，我諗只有老闆敢叫掛..... 由於跌板燒需要等師傅準備d食物呀，清潔呀，事前野~所以老闆就叫左個刺身俾大家開下胃先~ 當然CarTungBaBy就無食到啦~~~唯有睇住d同事食喇~~~ 好喇~~~師傅黎喇~首先大家個set每人都有個沙津做前菜，但由於我太餓，所以無影到相就食左喇~~~sorry!之後師傅會係我地面前炒起一大堆蒜片，真係好香口，但食完個口...應該無人想同我講野lu... 之後就到蒸蛋，師傅僧用事前洗好左既蛋殼，再倒入蛋漿同鵝肝。其實我本身都唔係好明，點解係跌板燒會可以整到蒸蛋，原來有個蓋會蓋住既，等5-10分鐘後，蒸熟左再係上面放好多魚子醬~ 味道真係一流，d蛋滑都不在講，佢入面既鵝肝係充滿住每一啖既蛋，而且魚子既分量亦都岩岩好足夠調味，但又唔會搶左蛋同鵝肝既味道，大家既配合係好一流呀~ 之後就係煎大蝦，師傅真係只需兩，三下手勢就可以幫隻蝦由有殼到清潔至無殼，而且仲可以cut好晒一小粒俾我地，大蝦既膏好香濃~食一啖就已經係滿足到不得了，如果佢將d蝦頭整埋個湯俾我地，就真係十分perfect喇~ 點擊圖片放大 食完大蝦，繼續都係海鮮，有活鮑魚，我個人覺得有D恐怖同殘忍，因為D鮑魚仲識郁，而且真係保證係大海黎，唔使落任何調味料都夠晒鹹，不過我個人覺得好"韌"，唔係真係話好好食~ 之後終於等到我地既主菜~鱈魚出現喇~由於個個都差不多揀魚，所以師傅一次過煎晒D魚先至再煎牛，個魚真係好好食，入口即溶，好香，好有油味~ 之後就到重量級牛，雖然我無點食到，不過大家睇下燒既時候用甘大火，就知好猛料啦~ 本身上左個野菜先~~~但CarTungBaBy都已經飽飽地，之後餘下既食物都係由我d同事去包辦，我只係同佢地留影，據同事邁個海膽炒飯係好好食架~每一粒飯都有海膽味~ 點擊圖片放大 最後上既仲有甜品~係曲奇奶凍，大家見到呢個奶凍係就算飽到捧住個肚都要食埋佢，包括我自己都係甘，佢真係好香奶味，而且佢唔係雪到硬晒個d，係一放入口又會溶返變返做奶，如果我唔飽，我真係可以食到幾杯呢個呀~ 總 結：大家睇個餐牌時，會覺得好似唔會食得飽，但其實佢d野幾粒幾粒甘，個份量雖然唔係多，但都偏油，而且都係一d蛋白質重既食物，所以食到中段其實已好 飽，去到埋單，更加係捧住個肚走。但真心推介好好食~~每一款食物都係出細貨，保證滿意既。大家不防有咩慶祝呀~咩開心野，去個度一試啦~~ P.S:老闆埋單，張單係成$9000左右....我地有十個人，即係大概每人$1000左右，係度真係要講聲老闆萬歲~~ 我既分享到呢度，希望大家鐘意啦~~
