早幾日，CarTungBaBy同幾個同事係度吹水之際，就講下香港有咩好野食，咁有個同事就介紹泰昌係荃 新天地個度開左間T CAFE 1954(我叫佢做泰昌CAFE啦~~~)，我個人以為泰昌只係得蛋躂，麵包，蛋糕.....個D野買，原來呢間CAFE有意粉呀個D，個同事講到好似好 好好食甘，於是我就同我HONEY個晚即刻去試下。 間鋪個位唔係係正荃新天地入面，係對住馬路個邊(係周生生隔離)，位置都唔算好偏僻好難搵，而門口個樣真係好似一間西餐廳甘樣，完全好似同泰昌扯唔上關係，當然未入去，係玻璃位已經見到佢地好有名既蛋躂同雞批啦~ 一入到去，都幾有驚喜，因為門口位需要好似西餐廳，但一入到去，個樣就好MODEN，又好FUSION，中西合璧既風格，我入到去第一件事真係忍唔住周圍影相，而鋪頭亦都唔係好大，只有十多張枱，但整體格局都令人舒服。 點擊圖片放大 +3 睇 下有咩食先，晚餐佢地係有SET DINNER架，包一個MAIN，一個沙津或湯，仲有一杯飲品，如果大家唔鐘意佢個SET亦都可以單點，但款式更少。而CAFE係以先付款後送餐既形式， 我地當晚就叫左一個龍蝦汁大蝦意粉SET，要菜湯同加朱古力，另外單點一個千層麵同橙汁，埋單二百幾，我個人覺得都算貴。 而 等候既時間都幾耐，個意粉SET就等左差不多20分鐘，而個千層麵更加等左接近30分鐘，不過真心講佢地係慢工出細貨，個意粉係我極力推薦，聞同食既時候 都充滿非常濃郁既龍蝦汁味(應該用左龍蝦同蝦殼去煮個汁)，另外意粉既軟硬度十分適中，好有5星餐廳既水準，至於個菜湯個人應為偏酸同較為普通，而個朱古 力就非常好飲，好香濃既朱古力味。 點擊圖片放大 至於個千層麵，真係好好好好食，因為佢除左係新鮮即叫即焗之外，佢每一層既味道都係好分明，一層牛一層麵一層牛一層麵，而佢既酸度亦都係好適中，令人有食完一啖再一啖既感覺，但記得要慢慢食，因為食得太快會感覺好漏，同埋飽得好緊要。 而門口位置，有賣麵包，蛋躂，餅位置，大家唔入去食野都可以買返D包點。 我既分享就到呢度喇~~~希望大家都去試下啦!!!!
