繼早前CarTungBaBy出席完Clinique既下午茶聚 之後，當然唔少得試用佢地既新產品 ─ CLINIQUE Even Better Essence Lotion 同CLINIQUE Even Better Dark Spot Defense 啦~~其實未去event之前都略聞呢個新產品，而且仲知道佢地既功效非常超卓，就等我親身試下係咪咁頂瓜瓜啦~ 首先略略介紹下呢支CLINIQUE Even Better Essence Lotion，佢本身係一支精華水(我個人稱佢為肌底液)，佢可以提供多功能既修護效能，集補濕、紓緩、瑩白亮肌三大功效於一身。只需要4 星期，就可以全面改善膚質。 而革命性天然補濕因子複合物亦係呢支精華水既重要原素，佢可以深層釋放肌膚既補濕力量，瞬間提升肌膚水分含量，煥發晶瑩透肌。除左滋潤補濕外，佢亦都可以均勻整體膚色，驅走暗啞，亦都有防禦敏感，減少因敏感炎症而造成既色斑，簡直可以話所有功力集於一身呀~ (P.S：我今次試用既係1,2號肌膚適用，另設有3,4號) 瓶身亦有貼紙封條，保証係未被開過，確保佢地出產既品質係支支新鮮。 倒出黎既感覺，本來以為會係水，因為佢話精華水，但係估唔到係GEL狀質地。 而我自己首先會用左自己既爽膚水，用綿花全面抹一次，之後用呢支精華水係面上輕拍，輕拍完之後，會感覺面好滋潤什至有少少笠，但等大概30秒左右後，皮膚會完全吸收晒精華水，只有水潤同富彈性既感覺留係皮膚度，一D都唔會再感覺黏笠，而連帶我之後搽既產品都非常吸收。 用完前後分別都幾大，用之前(左圖)我皮膚除左感覺係乾，而且都有敏感既問題，用後(右圖)，皮膚即時變得亮白，而且紅既情況都減退左，皮膚亦明顯感覺飽滿同有光澤。 之後我亦都試埋佢既CLINIQUE Even Better Dark Spot Defensse，佢可以同時提供前所未有如絲般清爽輕盈的質感，有效防禦紫外線同預防色斑形成。 佢本身有2隻色可以揀，一隻係無色，另一隻係肌膚色，而今次試用既係無色。 質地好薄，感覺同一般既防曬無咩分別，但佢好在係完全無油份。 但 搽上面後分別就好大，一般既防曬搽左上面，一定會係留有白痕，而且搽N次都唔勻均，但呢支CLINIQUE Even Better Dark Spot Defensse就好唔用，佢可以好輕易推開，只需要幾下就可以完全搽均晒，同埋我以往好唔鐘意防曬有一種油又笠既感覺，佢完全無，令我係搽完第一次，已 經諗定用完要回購再買。 點擊圖片放大 溫馨提示：大家搽防曬一定一定一定要搽埋頸位呀~ 我既分享到甘多，下次再同大家分享更多好用既SKIN CARE啦~~~ 以上產品由Clinique提供試用
