早前好幸運地抽中左JESSICA既《旭茉JESSICA》轉季系列之 Bloggers 獨家試用活動，可以一試VICHY既Aqualia Thermal Mask 溫泉礦物保濕面膜，事不宜遲，馬上同大家分享我既試用心得~ 其 實自己本身對VICHY既品牌唔陌生，亦都有試用過佢其他既產品，但今次既Aqualia Thermal Mask 溫泉礦物保濕面膜倒係第一次接觸，我知道呢一款既MASK蘊含左10%既VICHY溫泉水，亦都加左5%既鎖水因子同2倍高濃既透明質酸，可以為肌膚24 小時源源不絕送上水源。 打開蓋子，第一下老實講有少少嚇倒，因為佢既藍色既MASK(實物比相片見到既更藍)，感覺唔係好自然，但係當你先將少少既MASK搽係手背上，你會馬上都FEEL到佢既神奇功效，係度賣個關子，之後馬上同大家講下佢點神奇。 頭先所講既神奇功效就係你真係會好FEEL到有水注入面既感覺，唔係因為皮膚乾而有刺痛感，而係真係係原先就算水份充足既肌膚之親上再注水，令面部感覺舒服之餘，亦都有舒緩泛紅既功效。而我只係用第一晚已經有明顯效果。 由左至由：左圖未使用前，中圖試質地，右圖使用後。 點擊圖片放大 而除左晚上用之外，我亦會係化妝前薄薄塗上一層，除左令妝容更貼服之外，亦都減少出油，而家持續用左約一個星期多之後，皮膚就算化左妝8小時以上，係面上印到既油份亦都好少，亦都減少上妝後因為皮膚乾燥而甩皮既情況，絕對係轉季/冬季既好幫手！ 以上產品由旭茉JESSICA提供試用
