一日返完工，好攰好攰既時候，有時真係想懶到連妝都唔想落。但當然係唔得架啦！而係甘攰既時候，我只係有唯一既要求，就係方便有效既卸妝，而卸完塊面又唔會乾爭爭。好彩有SOFINA既全新保濕精華卸妝油，雖然係油，但佢係第一枝令我對卸妝油改觀既品牌，而且佢簡直係我既救星，就俾大家睇下佢既威力。 盒上有個虛線位要撕開先可以開到盒，確保未開封過。 而樽身既樽頸位置都有個lock位。 先試係手上俾大家睇下先，拿我畫左幾隻眼影同眼線(左)，之後用2泵既全新保濕精華卸妝油係眼影同眼線上流過同等45秒(中)，之後係有流過保濕精華卸妝油既位置上沖水(右)。睇下完全唔使按摩都可以輕鬆卸除妝容。 點擊圖片放大 卸完之後，完全唔乾，而且仲好淨白，好似搽左精華一樣保濕。 好喇，試上面俾大家睇，首先俾大家睇下我化左妝前既樣先。有搽眼影，睫毛液同粉底。 先卸眼，左圖係未卸前，之後只需要用保濕精華卸妝油輕按10秒，之後輕輕一抹(一下)(中圖)，真係七，八成既眼妝都已經係晒化妝棉上喇！ P.S: 官方係教直接將卸妝油用係眼上，之後用水乳化，但個人習慣用開化妝棉。 點擊圖片放大 睇下，接近係無晒睫毛液，只係留有少少(左)，而只係再加少少水，輕按幾下就好易卸走晒(右)！ P.S:卸既時候要合實眼睛，因為卸妝油入到眼會有刺痛感覺。 好喇，試係面上。同樣地左圖係未卸時候皮膚既狀況，中圖係用棉輕抹幾下再用清水抹，右圖係抹後既皮膚，真係好輕易就可以卸晒，而且用後皮膚好舒服，唔會感覺好油笠笠。 點擊圖片放大 卸完妝喇，成個人都輕鬆晒！ 整體感覺：5顆★為滿分，代表最滿意 1)潔淨度 ★★★★ 2)保濕度 ★★★★ 3)隨後使用護膚品滲透度 ★★★ 4) 清爽度 ★★★ 5)柔滑度 ★★★★ SOFINA makeup cleansing oil 保濕精華卸妝油 $240/150ml 6月21日於崇光百貨率先發售 6月28日全線發售 產品由SOFINA 所提供
