黎黎黎，續早前拎左2件iTrial 之後，係時候報告下產品既試用分享喇！第一樣試用既產品係ISA KNOX人胎素精華換膚面膜，開頭聽到個名都有少少嚇親，羊胎素同豬胎素我都試過，就係未試過人胎素，今次就體驗一下啦！ 講 下佢既成份先，佢獨有既專利技術100%複製人胎盤中8種對皮膚最需要同最有效的人胎盤物質製成了「rHPP-8」，蘊含皮膚細胞既生長因子、免疫因子同 生存因子。連續用30日，可以令肌膚無間斷更新，逐日讓年輕細胞替換老化既細胞，暗黃、細紋、毛孔、鬆弛等，歳月痕跡一掃而空，換上好似BB仔甘綻放剔透 光芒既新生嫩肌。嘩～好利害WOR！ 一盒有5塊，$498，1塊分上下半面，潔面後，塗抹人胎水原液後，先敷上面頰下方既面膜，再敷上眼部上方既面膜！ 點擊圖片放大 +3 我敷喇！等待15分鐘後除去，然後輕輕拍打面上剩餘既精華，以促進精華養份完全被吸收。 即刻滑晒喇！(右圖)，睇下好多精華係面喇！相比起未敷前(左圖)，D皮膚好似醒晒甘呀！ 黎個Close Up對比啦！(左圖)係未敷前，皮膚暗黃，都有D泛紅，毛孔都比較明顯，敷後，見到好滑淨，毛孔收細，亦都無甘紅，真係好似BB仔一樣既皮膚！ 睇下吸收晒之後，真係好有光澤，而且水潤，眼部肌膚都變得幼滑，細紋都無晒！ P.S： 用後的確變得細幼，毛孔明顯改善，暗黃膚色亦都變得白淨，要留意既係包裝比較難開啟，最好用前先用剪刀開左先，同埋留係袋內既精華好多，可以用黎敷埋頸 位，其實敷過一次後已見到效果，當然連敷30日會係最好，但因為價錢比較貴，個人會選擇3至4日敷一次，甘樣都比較化算！
