話說今日冇咩做，又想去食下野，於是就去左做大鄉里，入左去元朗搵屯元天地膽阿卵搵野食～我地行左去西菁街附近搵野食，阿卵發現左間新開既台式小店，所以決定會一會佢😎入到去雖然係自助形式買野食，但感覺工作人員都會有問必答，唔似普通快餐店🤗就係咁，我地今日叫左:- 黑金剛豚肉飯🐷- 花雕炸雞🐥- 大腸包小腸- 玉母胡椒餅（豬）- 酥炸臭豆腐- 黑森林蘋果茶- 芭樂檸檬冰茶 黑金剛豚肉飯🐷 － 黎到見到都幾大份，豚肉重要係日日新鮮處理，食得好放心。豚肉食落去幾軟綿綿，唔會好似擺左好耐，好硬咁🤗而且豚肉亦都有肥有瘦，相當平均😎 金雕炸雞，呢個我食得比較少，因為俾阿卵搶左黎食，入口個下已經有花雕滲出來，唔會太濃烈，白味剛好。炸出黎亦都唔算太油，1口1舊感覺唔錯😋 大腸包小腸，重點不再腸，而係糯米，平時食糯米可能會太黏，變到1舊舊，而令到唔想食，但係呢到既糯米完全冇黏身既感覺，食落重去棉，筷子亦都冇黏到，非常推介👍 玉母胡椒餅，1黎已經好大陣胡椒味，食落去超辣，真係唔食得辣既人可能就要叫定2杯野飲食喇😝 酥炸臭豆腐，餐廳用左蜂巢豆腐黎做，黎到已經聞好勁既臭味，嗅覺滿分✅食落去非常脆，所以要小心啲食，唔係會食到成枱都係🤣 野飲出場，首先係黑森林蘋果茶，紅茶底，加上蘋果味，甜甜地唔錯，鍾意甜野既朋友唔好錯過🤗 最後出場既係芭樂檸檬冰茶，飲落去有啲似金桔檸檬，雖然甜甜地，但因為爆珠，令到成件事中和返，幾好飲唔錯👍 特別推介: 冬瓜茶，工作人員話茶係自己煲，食客可以任飲，阿卵飲完話直情可以拎出去賣 (因為MENU冇得叫架)，所以黎到1定要飲多2杯呀🤗總結: 雖然是小店，但食物同飲品種類選擇非常多。工作人員亦會介紹下唔同既食物俾你，好有人情味，所以有緣路過，又想食少少野，非常建議你入去坐1坐，開心下😊886巷📍地址：元朗西菁街10號好順泰大廈地舖⌛️營業時間： 星期一至星期日 11:00 - 22:30
