今日又有啲衝動想食好西，但自己1個食又唔夠開(加上食唔到幾多野)，於是又係時候約R先生1齊出動去食好西💪因為今日R先生要返工，又唔好去咁遠，約去旺角食扒，於是我地就去左吃扒🥳見到個門面都幾grand，係Carton最愛既紫色🤩感覺唔錯。入到去，亦都符合西餐廳的感覺，環境比較暗，但是舒服的🥰今日我地叫左:- 20cm吉列豬扒- 慢煮美國西冷牛扒 (5成熟)🥩- 布袋流芯芝士沙律🥗- 話梅凍檸樂🥤- 有機蘋果醋梳打 (無糖)🥤 因為我地轉左餐既關係，係有包埋餐湯同埋，我就選擇左羅宋湯，而R先生就係豬骨湯，R先生飲左湯之後，話冇諗過扒房都會有中湯飲，重要是不錯的中湯，有驚喜🥰而我既羅宋湯，飲落去試牛尾湯，HAHA~😋 之後黎既係布袋流芯芝士沙律🥗，芝士俾我地想像中大份🤩，亦都唔錯，對於我同R先生呢啲芝士控，當然係搶黎食啦，鍾意芝士既朋友不妨1試😋 終於主角出場，慢煮美國西冷牛扒，呢個唔係普通既西冷牛扒，係Keto版既，估唔到港式扒房都有得食，雖然牛扒冇汁，但有酸忌廉加椰菜既搭配，好夾，真心減肥既朋友可以黎試下，重有既係呢到既牛扒，5成係真5成，而唔係5成會變左7成個啲，所以可以放心叫😝 最後既20cm吉列豬扒，真係1個壓軸黎🤩，塊豬扒真係大過我既手掌，真係有20CM，炸出黎都好脆，薯菜分別有西蘭花同薯條，分量都幾多下，味道幾好😋總結: 如果係減緊肥既朋友，真係要黎試下，因為餐廳既Keto款式都多，加上佢地有無糖飲品供應，絕對可以過1個開心既聚會，侍應姐姐亦都會細心介紹食物及飲品，貼心既服務，鍾意食扒既朋友，就要去試下喇👍吃扒📍地址：旺角豉油街108地舖⌛️營業時間： 星期一至星期日 11:30 - 22:00
