聖誕假期到台北遊覽,四日三夜嘅行程當然要去夜市逛逛,食盡街邊小食和掃平貨! 小妹旅行前搜集左不同有關資料,發現台北實在有太多有特色嘅夜市......四日三日嘅行程實在無法去晒,於是我們只選擇前往士林、饒河、寧夏、師大夜市! 其實四個夜市都有唔同感覺,等我來個總結先! 夜市 士林夜市 饒河夜市 寧夏夜市 師大夜市 面積 超大,可以行成晚,約3-5小時 細,約1-2小時經已行完 超細,約0.5-1小時內行完 大,約用2-4小時行 種類 很多食肆、小食店、男女服飾店或小販檔、遊戲檔攤及雜貨店,應有盡有! 主要為食肆、小食及飲品店,另有少量占卜店和雜貨店 主要食肆、飲品及小食店 很多食肆、小食店、男女服飾店及雜貨店 人流 超多人,主要都係遊客居多~好多人都係講廣東話。 多,可能因為夜市面積較細,所以好逼~ 人流少 人流多,特別多年青男女,主要都係當地人。 地點 非常易達,乘坐台北捷運到劍潭站即到。 乘坐臺鐵到松山站,到西出口步行約10分鐘。由於臺鐵班次較疏,到此夜市需時較長及麻煩。 乘坐台北捷運到雙連站,沿出口1左邊直行便能到達。 乘坐台北捷運到台電大樓站,沿出口3行便能到達。 向大家分享各夜市照片: 士林夜市 士林夜市門牌。 士林夜市內有我喜歡的東京著衣,還有其它衣服鞋履小店。 士林夜市內有很多地道小吃: 有造型獨特的大雕燒賣。 點擊圖片放大 +2 這是炸鮮奶,台幣$20串。 點擊圖片放大 蚵仔煎,台幣$60。 干貝燒,台幣$40一串。 除了食物和衣服小店,士林夜市內有很多娛樂小店: 釣魚、釣蝦。 賭公仔。 饒河夜市 饒河夜市內有好多野食,一入到去就會見到有檔賣胡椒餅好多人排隊,聽聞真係好好食,但我見好多人排隊所以無食到。行到中段會見到去多檔賣藥燉排骨,好香!夜市內仍有好多美食,又平又好味 點擊圖片放大 +6 海鮮餅,台幣$40,好好味。 豆花很滑! 石榴汁好鮮甜! 拉面毛~ 神鳥卜卦。 第一次食狀完糕,買了一個芝麻味、一個花生味,好爽口,好味道! 寧夏夜市 點解我會去寧夏夜市?因為我入住的旅館位於捷運雙連站,所以我地返旅館休息前黎左呢個夜市,食個宵夜。 夜市主要係售賣食物。 點擊圖片放大 +4 幫襯左感恩食個牛肉麵,湯底唔錯,牛肉好軟,但麵嘅質地唔係太o岩我口味。 師大夜市 很多旅遊書都表示如欲前往師大夜市,就坐捷運到古亭站落...我地照跟,點知好易行錯路同埋行好耐先到。好彩我地有偉大嘅google map帶我地去才不至於行冤枉路。其實我地行到尾聲嘅時候先發現,到台電大樓站落會方便好多,於3號出口出就可以了。 點擊圖片放大 很多年青男女服飾賣,design和款式不錯,價錢都好平!女嘅上衣,最平嘅只需台幣$100已經可以帶佢返家。 很多年輕人吖...... 金興生活百貨所賣嘅零食同埋文具都好平!掃左唔少貨! 點擊圖片放大 行到累了,去左大埔平價鐵板燒食晚餐!叫左以上三款食物,包括鱈魚、蝦和雞肉,埋單只係台幣$360!仲送湯和飲品,真係好平!味道都唔錯,唯獨略嫌d蝦質地唔太好,似雪藏蝦,但overall 都很滿意。 超平超大杯台式飲品。 行左咁多個夜市,隻腳真係累到不得了,每日番到酒店隻腳都好似唔屬於自己...!呢幾日真係要搵朋友仔陪我去按摩!