Sofina既Alblanc正離子美白精華及Alblanc重點美白去斑筆就快係2月20日於SOGO率先發售啦, 我都係時間先黎報告下用後感! 上次WORKSHOP得手既3個產品, 包括皇牌既3合1美白按摩面膜, 正離子美白精華及Alblanc重點美白去斑筆. 每天既晚上我會先用自己既卸妝液,再使用3合1美白按摩面膜, 先以1分鐘按摩, 先按摩2邊面, 之後就是鼻翼及下巴, 再來就是額頭, 之後做拉提動作, 由下往上的按摩, 及在眼下及太陽穴按壓, 最後就是最重要的頸部淋巴位往下推,之後把面膜停留, 敷3分鐘做個QUICK面膜, 就可以當係潔面膏甘過水潔淨架啦! 我會係個3分鐘入面先準理衣服或者執下野, 就可以由頭到腳的沖身了! 係過水後皮膚是超級滋潤的, 皮膚已好滑同吸左水一樣的. 其實每日的1分鐘按摩, 已經令皮膚改善不少了! 我對Alblanc 3合1美白按摩面膜的評分: 1)潔淨度: ★★★★ 2)保濕度: ★★★★★ 3)隨後使用護膚品滲透度: ★★★★ 4)上妝貼服度: ★★★★ 接下來就是Alblanc全新未推出市面發售既美白產品, 分別係Alblanc正離子美白精華及Alblanc重點美白去斑筆! 面就洗乾淨了, 要先使用自己的爽膚水, 跟住就可以搽上Alblanc正離子美白精華, 白色的GEL狀帶微香, 香味好舒服添, 在搽精華時亦配合按摩手勢, 幫助吸收之餘仲加快血液循環, 眼位都可以搽得, 我較喜歡在晚間搽多D, 早上就搽少D, 因為質地都幾厚身, 感覺亦非常滋潤! 而Alblanc重點美白去斑筆就可以緊隨精華後使用, 只需在有色素的位置畫上即可, 打橫打直畫都得, 而晚上我會在最深的色素位置, 把美白去斑筆挖出黎做厚敷! 美白去斑筆既質地是結實的膏狀, 畫上皮膚時拎少少出黎就OK啦, 而要厚敷時推開都唔難, 感覺亦跟精華素一樣的非常滋潤, 亦有少少厚身既感覺. 所以早上只需要在使用精華及去斑筆後直接搽上防曬就可以, 唔需要再搽乳液了! 我對Alblanc正離子美白精華的評分: 1)亮白度: ★★★★ 2)保濕度: ★★★★★ 3) 紅潤度: ★★★★ 4) 滲透度: ★★★ 5) 清爽度: ★★★ 我對Alblanc重點美白去斑筆的評分: 1) 即時去斑效果: ★★★ 2)滲透度: ★★★ 3) 清爽度: ★★★ 4) 貼服度: ★★★★ 要淡斑的確需要一D長時間, 用了2個星期, 皮膚的通透度及紅潤度的確有改善, 滋潤度亦超高, 雖然色斑就暫未見明顯改善, 不過我會KEEP住用, 相信長時間使用一定會見到效果! 上圖: 左下圖是使用前, 右下圖是使用後的效果. Alblanc 3合1美白按摩面膜: $420/125g Alblanc正離子美白精華: $720/40g Alblanc重點美白去斑筆: $560/3.4g Sofina Official Website: http://web.sofina.com/hk/ Sofina Facebook: http://www.facebook.com/sofina.hk?fref=ts
