係咪淨係我覺得CLEAN SKINCARE同 skin & beam成個Mode 好似......定係而家就係興呢款？我本身仲誤會佢地伙同一間或同一個老細！上面都係題外話，講返點解我會去CLEAN SKINCARE先啦。雖然我平時去開連鎖式既大美容院，但係我發現同一間美容院做左7年其實都係會悶，我自己本身十幾歲既時候皮膚唔太好，兩邊臉都有粒突洞，雖然唔係好深，但只要一化妝就勁勁勁明顯同礙眼，所以我最care都係粒突洞......咁其實修復撫平粒突洞都無咩野好講，就係痛啲，要做啲破壞性療程，先可以迫到膠原蛋白大量生返，撐返起下垂既地方，同時又要破壞埋將你啲皮膚拉緊拉落去既皮膚纖維，啲皮膚先可以彈返上去......我唔知咁樣講你地明唔明啦。其實關於粒突洞同瘡印我都做過好多療程，不過好mild個啲膠原槍、普通激光反而無咩試過.......我做過啲咩呢？黃金微針射頻，比較舊既韓國機Scarlet同比較新既美國機Slyfirm都做過。做Scarlet做左20次以上，個陣時比較後生而且暗瘡問題仲嚴重啲，而且Scarlet我覺得唔係太痛，總之我接受到，所以就一直做......直到之後我知道有比Scarlet更新（當然亦更加貴）嘅機，就係美國機Slyfirm，市面好似比較少美容院有入.......咁唔知咩頭咩路梗係用試做價去試左先，結果，好彩我無直接買Plan，因為真係痛到我星星太陽月亮都出曬黎，我覺得自己都算係忍到痛既人......Slyfirm能量比Scarlet應該更加大，痛到我眼都濕埋，淨係好想快啲搞掂佢。見我唔想再做微針（因為我唔想買舊機、但新機又太痛太貴）顧問就同我講過話我粒突洞好左好多，塊臉都平滑左好多，可以試下嫩膚為主喎，即係做彩光呀、皮秒激光個啲......其實佢都講得好岩，一黎我年紀上去之後開始有色斑，未到荷爾蒙斑，不過有雀斑同曬斑；另外就係如果唔搞粒突洞，淨係搞搞膠原同色斑，或者唔洗俾咁多錢......最後我就上網搵咗CLEAN SKINCARE。於是我就開始上網搵平價去斑療程LOLSor, 有醫生主理既醫美診所就肯定貴，呢樣無得講，至少每次療程都加幾舊水！一黎我覺得自己皮膚好返啲，二黎都覺得而家出面打斑激光、皮秒激光成行成市都係，個價錢應該已經壓到好低......所以我就棄舊迎新！跟手我就揀左CLEAN SKINCARE去試！既然我係針住價錢去既，咁CLEAN SKINCARE有公開透明既價目表！所以呢樣就岩曬我！CLEAN SKINCARE官網預約好簡單方便，收到短訊都唔洗回覆，總之個日準時上去就得。CLEAN SKINCARE都算係良心小店？我覺得佢地客人都應該唔少，不過都幾有禮貌招呼既，唯一唔好就係我坐喺梳化度都等得比較耐，我填曬所有個人資料個啲但等左好耐都未入得房，可能個顧問有野忙緊......到比我入房既時候顧問都有講聲唔好意思呀要我等咁耐，然後就開始循例傾幾句有咩想改善呀同做個Ring睇皮膚分析，當然粒突洞就唔會完全消失，同埋隨年紀上去膚質由油性變左中性偏乾，咁就有顯示毛孔粗大啦、少少缺水同有啲色斑......總之皮膚初老特徵就咩都有少少，個結果我都預左，咁我都答佢其實主要黎CLEAN SKINCARE係想去痘印、去斑，同埋順手搞搞膠原啦。咁顧問就推薦我做淺層去斑療程，因為佢覺得我大部分斑都唔係深層，唔係荷爾蒙斑，咁佢地無單次收費，我都覺得OK，六百幾蚊就可以試做兩款療程，佢就建議我做去斑同埋膠原既激光，咁我呢樣都聽佢講。CLEAN SKINCARE做既過程好Baisc，無咩野好講，我覺得而家啲治療師都已經好有質素好nice，因為美容行業競爭好大，所以只要治療師服務唔到位都唔洗旨意人地再黎，尤其我係新客......卸完防曬清潔完塊面就會影一次相，然後就開始做療程，打開部激光機然後就開始打斑，比起我之前做既微針療程，就咁打激光其實真係無咩感覺，所以療程感受係唔大既，但就會feel到塊面熱熱地同有啲泛紅.....雖然係CLEAN SKINCARE試做但係都做得幾足，打左全臉兩轉同埋有重點打斑位既，至於去斑同膠原「兩款」激光療程，其實都係同一部機用唔同波長咋我估，咁敷埋個補濕gel mask之後上埋補濕、防曬個啲就可以簽走，我覺得六百幾蚊算係咁啦！之後就聽下顧問講話買Plan 3次幾多錢，我用手提mark down左之後就話要走，咁我諗佢地今日都係真心忙，sell多左兩句之後就放我走左！CLEAN SKINCARE唔係唔好，不過能量的確未達到我要求......可能真係做慣左微針呀、蜂巢頭激光個啲，淨係做CLEAN SKINCARE美白同膠原激光呢，雖然斑係會淡左同埋塊面會漲少少，但梗係覺得無咩料到，未meet到心目中程度......我覺得皮膚本身全中性皮、又無咩特別大問題既女仔/男仔都好適合就咁打532/1064激光，但我就差啲......同朋友傾左，佢地話會唔會係因為CLEAN SKINCARE能量開太細呀？又有人話能量開太大會burn會反黑仲會刺激埋黑色素搞到色斑更多喎？有人又話因為我地又唔係十八廿二，淨係用激光唔夠力呀？其實我都覺得一黎我自己之前做既都係比較勁，二黎真係要再搵個能量大啲、或者有少少入侵性既療程，但同時又要平啲！跟手我又去試咗Perfect Medical既PicoCure超皮秒激光係呀，真係比我搵到！就係Perfect Medical既PicoCure超皮秒激光，我唔知超皮秒個超字係咩意思，上官網睇左好似就係因為有納秒(即係普通激光)同皮秒，仲有4種唔同長短波長！我淨係可以講，真心係一綱打盡......咩都有，咩其實就好考治療師既技巧啦！預約同顧問傾個啲我啲唔再講，因為唔係重點，我只係同顧問講左我上次打普通激光無咩野睇到，可能因為我皮膚差啲，佢就保證打呢個PicoCure超皮秒激光一定有野睇到，因為皮秒激光個能量會比激光更加高！OK，做到既時候其實都覺得係比較大反應，但因為我唔係打粒突洞，而係打去斑，所以唔會打得好淺、好表皮，唔會用皮秒黎「爆破」我既肌膚，所以都唔會擔心打到成面細傷口又成面結痂咁......咁比起CLEAN SKINCARE要俾少少錢，呢個就完全係免費試做既(不過jm們都要有心理準備會hardsell啲）咁當然，佢地每次問「仲有咩需要考慮呢」我都答「我要返去睇左效果先」，事實的確係咁，不過都記得要問清楚同mark埋佢地比你既Plan價錢，問定分期每個月要比幾多錢呀！搓波搓左一陣我就走得，唔洗錢架yeah！其實我諗個問題都出喺個能量大細度，皮秒激光個光束好集中，我上網睇原來皮秒激光比傳統激光既能量可以差距最多20倍！咁皮秒重點可以打斑就唔洗講，另外呢個PicoCure超皮秒激光好在會用納秒打左全面一次先再用皮秒打斑，即使增生膠原同打斑係魚與熊掌，兩者都兼得！我唔清楚市面上仲有無其他一個療程入面做曬納秒同皮秒既......應該有，你地搵下，搵完同我講啦(唔洗再PM問我啦我真係唔太知）不過PM最吸引我既其實係佢地個價錢呀！我覺得呢個打斑療程簡單黎講就有兩個功效：增生膠原同打斑，其他濕濕碎碎野我都唔講啦！返去第三日已經見到有料到，色斑淡、法令紋都淡咗因為係皮秒，所以能量比傳統激光大啲，我朝早起身照鏡最明顯見到係蘋果肌漲左，同埋最明顯最明顯係法令紋淡曬，因為皮膚膠原層厚左漲返，而色斑就淡得好快，我諗再打多2次就會完全消失（我本身都唔係好勁色斑反正）因為性價比都高、我又懶得搵第二間，所以我試完兩間之後都係選定PM，即係Perfect Medical 完美醫療，因為覺得價錢同效果比較對位！我諗住做住先，買左6次Plan，做左半年之後如果都係覺得效果不如破壞性療程，咁我就轉返去做破壞性療程個啲，完！Link：Perfect Medical PicoCure超皮秒激光
