近年來，由於我細佬由食肉獸，變做素食者，家人和我都食少好多肉類， 而且以健康/環保理由，偶爾我都會食下全素菜， 最近就和朋友們到波羅密素食吃晚飯，有別於傳統素食店， 波羅密素食唔係食齋鴨甜酸齋芋頭魚果d老士素菜， 而是加入Fusion 元素的素菜，清新得來又不膩！ 椰香養顏滋潤燉湯 首先上來的是燉湯，一打開蓋就聞到好香嘅椰子味，原來是用上椰子水來煲這湯， 加上新鮮椰子肉，還有桃膠、雪蓮子、鮮草菇、圓肉和腰果等， 全都是養顏養生嘅材料，好足料，喝落清潤又養顔，因此我更把湯渣都全喝光呢！ 牛油果蔬菜沙律 接著是沙律，這沙律用上牛油果，番茄，紅肉火龍果放在鬆脆的tart上，紅紅綠綠， 好清新好好看，而且可配搭黑醋一同吃，酸酸甜甜，感覺很特別和味道很搭。 香脆素乳豬件 素食乳豬但用上吃北京填鴨的方式， 很特別呢。 食法和吃北京填鴨般。先取一片薄餅皮，放上素乳豬，蔬菜條同甜醬。 這裡更提供了排列成太極的形狀的孜然粉和麻辣粉，加埋一齊吃又香又滋味！ 香烤黑松露白靈菇 這道菜我好期待，因為有我愛的黑松露呀而且仲係呢到嘅招牌菜之一！ 先看賣相已經好吸引，是西式的擺盤，白靈菇一片片整齊排好，有點像豬頸肉， 上面再加上爽脆的露荀，很吸晴呢！而白靈菇咬下去很爽脆， 每一片都沾了滿滿的黑松露醬，同露荀一齊好正，令我想再encore呢！ 韓式風沙蔬菜卷 這道風沙蔬菜卷外表有點似天婦羅，但炸漿不太油膩，反而好薄脆， 每一卷包著不同的蔬菜，配上韓國紫菜和鋪底的炸米粉和炸紫穌葉作點綴，香脆可口！ 川式鴛鴦口水雞 食完韓式，又轉到川式！初時看到咁多辣油，真係怕食唔到， 口水雞就由大豆纖維，豆腐同猴頭菇扮三種不同雞肉口感，外型同口感都扮得好似真雞肉架！ 吃下我覺得都幾辣，而且後勁好強，配上青瓜解一解辣。雖然好辣，但味道好香好出色！ 原隻素鮑魚扒菜膽 素鮑魚整得同真鮑魚相似度好高，我不告訴你應該也以為是真吧， 素鮑魚其實是用蒟蒻做的，而中間就用上黃芽白做菜山， 排得好整齊有心思，黃芽白和素鮑魚都吸到不少汁，吃起來還不錯呀~ 百味香飯 平時外面食嘅炒飯大多都是油淋淋的，而這炒飯炒得乾身， 加上巴西蘑菇醬同毛豆去炒上面仲灑滿白芝麻和素瑤柱，令味道更香更美味！ 點擊圖片放大 甜品 最後甜品有別於傳統嘅糖水，而是賣相精緻的果凍， 分別是玫瑰花或桂花口味，上面還有士多啤梨做點綴，清新又好吃！ 素菜其實也可以做到清而不膩，而且沒肉其實也可令人吃得好飽架， 這家很多菜式都是fusion又創新，好味又有特色，值得和朋友再來吃吃呀~ 波羅密素食: 尖沙咀彌敦道180號寶華大廈2樓 謝謝大家觀看 看更多我生活點滴和分享，可like 同follow我instagram同Facebook page IG: https://www.instagram.com/caroljai26/ FB page: https://www.facebook.com/carolcaroljai/ Contact me: Email:carolcaroljai@gmail.com 歡迎邀稿合作試用出席活動 My Blog Blogsopt:https://caroljai.blogspot.com/ BeautyExchange:http://www.beautyexchange.com.hk/mobile/blog/blog_list.php?uid=241624 Ulifestyle:https://blog.ulifestyle.com.hk/blogger/caroljai26/ She blog:http://blog.she.com/caroljai26 The Ztyle:http://carolcaroljai.theztyle.com Openrice:https://www.openrice.com/zh/restaurant/userinfo.htm?userid=64571227
