Carmen最喜歡欣賞不同的藝術展覽，近年外國興起一種稱為「FOOD ART」的食物藝術展，利用不同顏色及形狀的食物拼砌成不同圖案，再透過攝師專業的拍攝角度，將整件藝術品的美感展現出來。真係唔使食落肚，就咁用眼睇都覺得好滿足喇﹗比一D作品照片大家欣賞下先﹗ 係咪好靚呢﹖Carmen試過將呢D圖片比過我教緊嘅幼稚園小朋友睇，佢地就對我講：「老師，呢D食物好靚丫﹗見到都好想食呀，不如我地又試下整丫﹗」然後，我就話：「不過呢D砌得咁靚嘅食物裡面，有好多你地平時唔鍾意食嘅蔬菜同水果架播﹗」小朋友就話：「整得咁得意，我一定會吃曬架，唔可以浪費食物。」係小朋友嘅對話可以見到，原來只要將食物整靚D，就可以吸引到佢地去試食，所以「FOOD ART」其實亦都係一個令小朋友能夠培養出均衡飲食嘅好方法。超級推介比正在煩惱點樣令自己嘅小朋友唔再偏食嘅家長們。 近日發現香港也有這類型的「FOOD ART」展覽在尖沙咀美麗華廣場舉行，所以各位喜歡欣賞藝術展嘅朋友仔，不防可以去參觀一下﹗家長也可以帶埋小朋友一齊去睇下，因為展覽嘅作品都好得意，所以小朋友應該會喜歡架。 以下有部份今次「FOOD ART」展覽活動照片同大家分享一下﹗ 點擊圖片放大 +2 以上圖片來自互聯網，純粹參考之用。 18/5/2015 今天經過尖沙咀，便到美麗華廣場逛一下街，順便欣賞一下Food Art展覽的現場。這些食物藝術品真的十分吸睛，最吸引我的是小熊飯團的作品，真的非常可愛。而且仲比我發現原來星期六及星期日會有教授用氣球扭出不同食物的造型的workshop，所以大家不防經過尖沙咀都可以去美麗華廣場睇下同影下相。 希望大家喜歡是次的活動推介，祝各位有一個愉快的假日，謝謝收看。
