主打酸辣粉嘅微辣女孩，配料款式多、價錢合理！鍾意食辣嘅朋友一定唔可以錯過😍佢嘅酸辣、麻辣都好香辣，佢嘅香辣係用上30種香料及4款辣椒煮成，辣度有層次！其實佢嘅辣度唔算好辣，唔食得辣嘅朋友都接受到，食完嘅辣味係會徘徊喺口腔一段時間，非常過癮！ 餐牌分麻辣粉（薯粉）、麻辣套餐（可選王子麵、蒸煮麵、白飯）、螺絲粉（米線），可以選擇唔同嘅配料。我哋叫咗一個酸辣粉及一個麻辣王子麵，一次試晒兩款辣🌶️ 🍜鴨血酸辣粉NT$185 (約HK$48） 酸辣粉一上枱已經聞到好香嘅酸辣味，而且整碗酸辣粉都佈滿大大件嘅鴨血，相當足料！配料仲有枝竹、木耳、花生等等。酸辣粉即係薯粉，薯粉口感煙煙韌韌，吸收晒酸辣湯底嘅香辣味。 佢嘅酸辣味同其他嘅唔同，因為用上藥材同香料，味道更加香濃！有層次又持久！每一條薯粉都掛湯，非常惹味！酸辣湯內嘅鴨血大大件，啖啖滿足！🍜肥牛麻辣燙NT$185 (約HK$48）呢個我揀選左王子麵。 微微的麻辣味，麻香較多，忍唔住不斷食。配料有肥牛、枝竹、金菇、鵪鶉蛋、魚蛋、豬肉丸、菜、木耳，好豐富！肥牛大大塊，份量都很多。點擊圖片放大 食辣嘢當然唔少得揀番啲解渴嘅凍飲！ 🥤茉香桂花起泡飲NT$70 (約HK$18）面上有好多桂花，飲品充滿桂花香，而且唔會太甜。起泡飲飲完好解喝好爽！🥤四季春NT$40 (約HK$11）飲品大大杯，茶味香濃，無糖就唔怕肥！餐廳裝修簡潔，堂食期間見到有好多人叫外賣，真係相當受歡迎！ 餐廳門口仲有電單車打卡位，食碗酸辣粉都可以打卡，真係唔錯！ 📍微辣女孩 Weila Girl 螺螄粉酸辣粉台北市中山區龍江路356巷6號1樓#台北美食 #酸辣粉 #麻辣 #酸辣 #台灣茶飲 #台北打卡#台北遊 #spicy #spicylover #薯粉 #米線 #美食日記 #台北美食地圖 #食記 #吃貨 #foodie #travelblog #travelgram #旅行 #foodstgram #foodphotography #相機先食
