台北北投區係一個悠閒嘅地方，係浸溫泉嘅熱門地區。除咗浸溫泉，仲可以到少帥禪園品嚐體驗懷石料理。少帥禪園以少帥張學良養生哲學結合在地食材運用料理創意，創作出美味且底蘊深厚的美饌。料理於多個美食指南獲獎🏆所以呢度嘅懷石料理絕對值得一試！嚟少帥禪園必定要預約，預約好用餐或溫泉後，可預約接駁車喺北投捷運站安排接送。服務都非常貼心又方便。到咗門口已經覺得有一種隱世嘅感覺，少帥禪園就好似喺叢林中嘅一個秘境。 走過充滿叢林嘅樓梯就到咗餐廳。餐廳好靚、環境又大，仲有啲包箱嘅房間。點擊圖片放大 +2 我哋揀咗十道菜嘅禪園季節套餐。呢度嘅料理會定期更新，所以預約嘅時候可以問一問。 餐廳好貼心，如果你有唔食嘅嘢可以幫你轉。坐低就可以點茶，我哋揀咗花茶。一大壺一邊煲住一邊飲。 第一道菜：長壽三寶 賣相非常精緻。鱈魚肝鰻魚卷，鱈魚肝中間有鰻魚。鰻魚多汁，肉質綿滑。鱈魚肝好香。桂魚下有蘆筍粒，有像滑滑的芝士口感。啫喱狀內有牛蕃茄、白花椰菜、櫛瓜，啫喱口感好清新。第二道菜：趙四獨門蔬食 茄子燉菜附上香脆麵包。材料有牛蕃茄、櫛瓜、貝比生菜、葡萄乾一齊食。茄味香濃。第三道菜：少帥最愛蝦點擊圖片放大 +2 牛油果🥑加上黃金蕃茄，再配上草蝦🦐，面上配上通花薄脆。牛油果口感綿滑帶新奇香，中間蝦爽口，口感突出。第四道菜：幽禁歲月百歲湯點擊圖片放大 湯以茶壺奉上再倒出，非常夠熱。湯菇味香濃，有冬菇、杏鮑菇、鮑魚菇、白洋菇、鴻喜菇。第五道菜：飲食第一鮮 面上有蛤蜊泡泡，下面是爐魚。爐魚鮮味，仲配有酸豆及金桔。第六道菜：山居好野味點擊圖片放大 伊比利亞豬肉質腍身，面上有大量堅果、少少脆脆口感。配上生蘿蔔菜更香。第七道菜：漢卿趙四玫瑰醋飲 食完主菜，飲一飲個玫瑰花紅酒醋，清一清味蕾。第八道菜：伙房養生飯點擊圖片放大 飯用上台梗九號米，有牛肝菌配有帕馬森起司。芝士味好香，好味。最後係鮮果及甜品。 甜品係千層蛋糕，每一層都充滿忌廉，香滑又唔會太甜。水果有哈密瓜🍈、番石榴及士多啤梨🍓。呢度嘅用餐環境夠休閒，可以舒舒服服咁慢慢食。食完仲可以影吓相，好多位都好適合打卡。 影完相之後我哋就去預約咗嘅溫泉房度浸溫泉。我出餐廳大概行3分鐘就到雙喜湯屋。點擊圖片放大 +2 呢度浸溫泉有獨立嘅房間，所以私隱度相當高，房間使用時間為1.5小時。 房間設備充足，有提供毛巾、飲用水等等。房間窗外可以望到園景，可以一邊浸溫泉一邊享受美景。浸完溫泉仲會有熱茶俾你飲。點擊圖片放大 少帥禪園內仲有少帥展館、小六茶舖可以去。假日嚟食個飯、浸溫泉、走一走，真係可以玩大半天！
