大家都知我好鍾意食鐵板燒，喺台北搵到間高質嘅鐵板燒，性價比高，食到飽飽好滿足😍餐廳有1店及2店，只是相距幾間舖位。我哋去咗一店，大概約有10至12個座位，環境寬敞幾舒服😌 由於星期五晚，所以一早預約好。入到餐廳就已經有熱麥茶俾你享用，醬汁有洋蔥醬🧅、蜂蜜芥末醬。 打開餐牌選擇非常多，揀咗2份**《海陸全餐》 ** NT$2,280-$3,380（約港幣$570-$850，相當抵！） 套餐包括：開胃前菜、每日例湯、每日鮮魚、新鮮活鮑魚、產地直送活龍蝦原隻、季節時蔬。主菜我哋揀咗日本A5和牛🐮、伊比利亞豬🐷首先前菜係香煎帶子（3粒），面上配有三文魚子及黑魚子，加上金箔點綴，賣相精緻。點擊圖片放大 +2 帶子煎得金黃，三文魚子及黑魚子提鮮了帶子嘅味。另外蟹肉配紅燒洋蔥醬及進口辣椒絲，底是南瓜，非常鮮味！第二道菜係黑倉魚：魚質食落非常新鮮又夠嫩滑，配上洋蔥汁更香。底下嘅菜配上洋蔥汁更好食！點擊圖片放大 第三道菜喺️南非鮑魚，師傅喺鐵板上放上大量嘅鹽再放上連殼鮑魚煎，令鮑魚肉質唔會咁容易韌。點擊圖片放大 +2 鮑魚夠新鮮，肉質彈牙。配上海膽醬。另外菇配有松露醬，松露愛好者嘅我覺得非常香😍 之後就到蘑菇忌廉湯，忌廉味夠香，仲帶有少少松露味。配上香脆嘅牛油麵包好好食！ 飲完湯就到龍蝦🦞龍蝦相當大隻，而且非常新鮮生猛！ 龍蝦啖啖肉，新鮮爽口！龍蝦膏仲非常多，龍蝦嘅鉗好似手板咁大，真係食到舔舔脷🤤點擊圖片放大 +3 食主菜之前就會有蔬菜🥬係筊白筍搭配胡麻醬、松子、粟米🌽、西蘭花🥦！食完感覺相當清新，可以準備食主菜！ 日本A5和牛，師傅煎得好香，肉質大約五成，非常粉嫩！和牛個面煎到脆脆地，入邊肉質入口即溶！ 相當juicy😋 我覺得本身已經非常夠味，但如果想濃味一啲，可以按個人喜好添加鹽、芥末醬、蒜蓉醬等。 另一份主菜係西班牙伊比利亞豬，豬味相當濃郁，非常好食，一啲都唔會輸比牛！點擊圖片放大 最後甜品都相當有驚喜！係紅豆銅鑼燒🫘銅鑼燒入邊有滿滿嘅紅豆，非常滿足☺️另外仲配有新鮮水果，有奇異果🥝、車厘子🍒、菠蘿🍍、提子🍇、蘋果🍎、蜜瓜🍈。點擊圖片放大 另外仲有黑糖豆腐花，豆腐花好滑甜度剛剛好！ 飲品我哋叫咗蘋果汁及花蓮特產嘅檸檬汁。 必須一提特產嘅檸檬汁，果味香夠開胃，值得一試！呢一餐相當豐富，性價比高，食到捧住個肚走😋另外，一提餐廳服務好好，上菜、收碟、加茶等速度都好快。而且衛生都相當好！每煮完一道菜，師傅都會清潔鐵板，真係值得一讚！📍 潼精緻鐵板料理 新生店104台北市中山區新生北路一段158號#台北 #餐廳推介 #台北美食 #foodiegram #鐵板燒 #日式鐵板燒 #台灣鐵板燒 #高質美食 #台灣美食 #japaneseteppanyaki #吃貨 #travel #eatstagram #foodblog #美食日記 #相機食先 #waygu #和牛 #海鮮 #seafood #美食 #旅行 #travelgram #lovetravel #就是吃 #人生
