早排中咗新冠肺炎，所以消失咗兩星期……其實唔算病得好嚴重，始終打咗三針復必泰，不過都有輕微喉嚨痛同流鼻水，亦有咳，仲被強制送入竹篙灣宿營幾日…簡直深刻體驗﹗ 圖一、隔離營 其實竹篙灣嘅住宿環境唔錯，尤其晚霞景色真係一絕，另外一邊其實仲見到IFC，望到海，你話香港有幾多私樓都可以見到咁靚嘅景色?但萬萬估唔到，我要到病咗去竹篙灣先至享受到…… 竹篙灣室內廁所好乾淨，間房又有電視睇……之前啲人仲猛咁彈竹篙灣，又唔覺得咁差喎，唯一真係差嘅可以話係啲嘢食啦，聽講都係國泰飛機餐，以為日日食飛機餐咁開心?點……真心想講，連醫院嗰啲嘢食都好味過佢，大吉利是，唔知大家入過醫院住未呢？不過大家都見到啲意粉啦，呢隻色真係有少少驚嚇…另外午餐真係好遲先送到嚟，有兩日足足等到兩點先開飯… 圖二、竹篙灣食物 好快就病好，困住七日喺竹篙灣後，就可以回復正常生活嘅日子啦，不過，唔知點解皮膚突然差咗勁多，毛孔明顯粗大咗好多，仲有爆粒粒，尤其係戴口罩嘅部位，唔知呢啲係唔係「長新冠」嘅症狀之一呢？我嘅青春期一旱過咗，咁搞法真係唔掂，唔知大家有冇「長新冠」嘅經驗呢？對住自己個樣真係少少頂唔順，所以一「出監」最想要去嘅就係做一做Facial，不過有樣嘢慘，就係之前我去美容院買咗嗰個package，喺年初在家工作停業嗰排執咗笠，我都蝕咗5位數字嘅血汗錢呀，就算嚟緊再做facial，都唔想買package住，最好有單次試做，睇下間醫美好唔好先，而且價錢要實惠嘅醫美就更好 想搵一間好嘅醫美refresh下自己都唔易，我以前都幾多俾人Hard sell嘅慘痛經歷，於是梗係上網搵吓資料先啦，點知竟然咁好彩，俾我搵到一間叫Life Young嘅eshop (Life Young eShop)，原來係一間新開張嘅醫美，叫做Life Young壹心駿美，啲美容療程價錢全部都寫得好清楚，我最估唔到係醫美都會開埋eshop，價錢仲要明碼實價寫哂出嚟，唔少療程更加寫明由醫生主理，真係冇乜見過寫得咁清楚嘅醫美，令我幾好奇下，真係好想去試下 不過，經歷過之前間美容院執笠，我今次淨係想試做啲平平地嘅療程，所以揀咗Life Young一個九百幾蚊嘅療程試下，仲要係寫明【新客限定】，叫Stellar M22 + DEP完美光子嫩膚注氧療程，做哂全面由原價$5,280減至特價$998，感覺真係平咗好多，而且仲可以連續做足兩部機，我覺得一千蚊有找，值得一試啦（咁試完之後都真係幾滿意，所以喺呢度寫幾段分享吓俾大家知啦） 圖三、呢間新開嘅Life Young壹心駿美，上門去到，估唔到靚到好似酒店咁，好舒服 喺做療程之前，我都有上網睇過下Stellar M22 + DEP療程係咪真係做得過，Stellar M22功效原來都幾全面，包括擊退色斑、去印美白，激活膠原、收細毛孔，仲可以減少油脂分泌、保濕水潤，治療痤瘡，同埋微血管擴張。Stellar M22技術係進行強效「脈衝光」，呢種技術宜家已經好成熟，仲攞埋「去斑嫩膚科技專利」，我覺得試得過嘅其中一個原因，係貪佢唔係入侵性嘅醫療儀器，我會更放心。仲有，Stellar M22呢個療程其實我並非第一次見，出面好多醫美都有得做，不過最特別係，Life Young將Stellar M22安排同DEP無針注氧一齊做，我又真係未見過，所以就BOOK咗Life Young喺尖沙咀新開嘅分店，試一試啦 咁去到Life Young，問下治療師多少少有關療程嘅資料啦，咁治療師喺做之前都好有耐性講解一次俾我知，而且佢聽我講呢排皮膚突然差咗，佢就好好人咁幫我做免費皮膚測試，其實我都真係想知我嘅皮膚屬於咩膚質，做之前治療師都有稍為再抹一抹儀器，令我好放心，因為我岩岩先病好冇幾耐，本身又係一個好怕污糟嘅人，諗到咁多人用過嘅儀器都會驚，但佢願意喺我面前再抹一次，我就安心哂啦﹗ 圖四、我皮膚屬於中性偏乾 一邊測試皮膚，治療師一邊繼續講解療程，都算係好周到，原來Stellar M22脈衝光技術可以有效咁直達真皮層，針對女士平時有好多黑色素積聚喺皮膚上，有機會變成日曬嘅色斑、肝斑、老人斑、雀斑等等，甚至係我生完瘡之後一粒粒啡啡地色嘅印，脈衝光技術都可以將佢地打散哂，做到淡斑效果，比較放心嘅係Life Young Stellar M22醫美儀器已經攞到美國FDA同歐盟認證，同埋呢部儀器醫學上已經證實可以改善到九成皮膚、刺激膠原蛋白增新，有助皮膚更加嫩白，聽完真係覺得幫到我解決問題呀 做完Stellar M22之後，緊接做埋DEP無針注氧，呢種技術都係比較成熟同安全，非入侵性，同埋亦都攞埋「無創電子皮膚穿透技術」專利，有效咁直接將營養液輸入到皮下組織，令皮膚真正吸收到營養液，同樣地，呢部機都獲得美國FDA認可。其實，計我話，做醫美最緊要就係舒適、安全同有效，亦唔會話因為療程有入侵性，有機會導致出現感染，最最最緊要就係唔痛吖嘛 圖五、Stellar M22有美國FDA同歐盟認證 圖六、一做完Stellar M22，緊接做DEP無針注氧，同樣有美國FDA認證 做完療程幾個鐘頭之後，面上原本有少少紅都退哂，冇傷口，幾日之後覺得面上的膚色白咗同均勻咗，皮膚感覺更加有彈性，其實以$1000有找嘅價錢能夠做到咁多嘢來講，都算係好好喇，不過，今次喺Life Young Stellar M22+DEP體驗另一值得一讚嘅就係，呢間醫美真係好新淨呀﹗無論服務同裝修都似一間5星級酒店咁，做完療程之後竟然有我最愛嘅港女下午茶食，真係開心到有少少唔捨得走… 圖七、喺Life Young做完醫美療程後送俾我食嘅港女下午茶 圖八、Life Young新開冇耐，真係成間五星級酒店咁，坐喺度嘆下午茶好chill
