黎緊聖誕節，竟然俾我搵到超~級~平~機票 12月25日聖誕節正日出發，仲要open-jaw 高雄入、台中走，連稅都只係$660/人！ 係咪好不可思議呢？其實係有少少竅門的~ 完全係配合天時、地利、人和先可以憑住呢三大法寶平遊 <法寶一> 香港快運兩周年$22機票 相信唔洗多講，大家對於一周年時的$1機票應該記憶猶新 今次兩周年唔是$2，變左$22蚊，不過仍然極具吸引力 10月下旬個兩星期，相信大家寧願晚晚唔訓都要補住個網啦 我就決定博一博，放棄熱門航點，當中專攻台中！ 經過漫長的等待、loading、F5、入資料、再等、再loading...... 終於俾我成功買到單程 <台中 -> 香港>，今次係一家三口出發 機票+稅+手續費+30KG行李+揀位 = 台幣5566，除開即係大約$460港幣/人!!!!!! 原本想睇下去桯有無機票搶到平飛，但兩日都搵唔到 快運25/12出發平極都要$800-$1,000港幣 再睇姊妹公司香港航空唔平，於是乎就出動第二法寶！ <法寶二> Asia Miles換機票 可能你會鬧我浪費里數在短途航班上 但今次係旺旺旺季，搶快運之前check過，就咁港龍來回高雄機票起碼要$4,000幾 所以我地就決定去程用里數換機票喇~ 不過由於我地算係比較遲plan聖誕外遊，原本香港->台北/台中/高雄只需10,000里數 但25號出發已經無晒位或者得返夜機 如果想要靚時間就要俾20,000里數換商務客位 飛高雄一個鐘多少少坐business class都係無乜時間享受 所以，我又作出一個大膽決定︰換優越獎勵機票級別1 (priority tier 1)的經濟客位 雖然要15,000里數/人，但相比換business class，三個人都慳左15,000里數架喇~~~ 去程(香港-> 高雄) 三個人最後花費45,000里數+港幣$582稅 換句話說，今次張機票，計返即係 5566/4 + 582 = 1974 / 3 = 658 一個人 我自己就覺得以聖誕旺季黎講，今次的機票組合都算划算的了 至於第三樣法寶，同機票無關，反而係見到有訂酒店推廣，訂房兩晚賺左12,480 Asia Miles!!! <法寶三> CX AE信用卡 + Kaligo酒店網 今次係Kaligo同美國運通國泰航空信用卡合作的推廣優惠 Kaligo對香港黎講算係比較新的訂房網，主力同不同航空公司合作，訂房可以賺取里數 不過有時房間訂價會較高，記得先格價！ 今次的優惠共分兩項︰(一定要用CX張信用卡俾錢) 1. 2016年4月19日前預訂，可享20%額外里數 2. 2016年1月31日前作首次預訂，可享額外5,000里數 每次訂房無論幾多晚都係計一次，所以今次我地兩晚就分開左兩次預訂 兩晚房價$1,412，就賺到10,480里數 (編按︰好過份囉，房價貴過機票!!!!!!!) 至於仲有2,000里數邊度黎？就係現有帳戶推薦新帳戶訂房就兩邊都有1,000里數送 因為我已經有戶口，咁我就推薦左阿爸阿媽，跟住佢地就用新戶口訂房， 再用我之前幫佢地申請的附屬卡俾錢，所以加埋就有成12,480喇 (不過被推薦人的referral bonus同今次首次訂房送5,000可唔可以一齊享用，就要等我完成住宿睇下有無入帳先知喇......如果照送的話就有14,480里數架喇!!!!!!!!!) 最後入住日期為2016年10月20日 即係之前搶到快運平機票的朋友，不妨趁早訂房食盡優惠喇~ 今次優惠需要經指定連結 + 用CX張信用卡付款先可以享用到， 有需要的朋友而又唔介意搵我refer你(信用卡 或者 Kaligo都無問題)的話 就留低email或者去直接email我、又或者facebook inbox我啦，我再開心share條link俾大家！
