大家去日本旅行好多時都有不同的「見學提案」 例如啤酒廠、車廠等等 其實香港都有類似的地方作俾大家免費參觀架 今次就同大家分享一下我最前成功預約參觀的「慈山寺」 帶大家睇下李超人出資興建76米高的觀音像真身！ <預約> 慈山寺採用預約制，一定要上網登記左先可以入寺 (預約網址︰http://booking.tszshan.org/ ) 唔好以為求其禁幾個制就成功，我足足試左幾日先成功預約到，難過搶fanfare機票! 希望以下心得幫到大家手啦~ 進入預約版面後，先選取「個人」 然後有好長的參觀守則，碌到最尾禁「同意」就可以了~ 跟住就可以名額，每名登記者可以帶最多5位朋友一齊入寺，即total 6個人 按「繼續」之後就會正式進入預約版面 記住︰只可登記未來30天內的日子，即係話如果你7月11日登入，最遲可以預約至8月10日 (但逢星期一休館，所以下圖只到8月9日) 此示範係7月11日當天大約11am登記，已經full晒!!!!! 問過寺內義工，每日最多只招待400名參觀者，名額平均分佈於八個入寺時段 可想而知係幾難預約啦~ 如果你好好彩咁見到有日子係淺啡色，即係話當日尚餘名額，禁入去就可以選取入寺時間 (上、下各有四個時段，大家自己諗定啦~) <交通> 預約成功就要講下交通喇~ 慈山寺的停車場是不開放給公眾的，所以只有兩個選擇︰公共交通工具 或者 的士 網頁都有教大家點搭車入去，不過由於此次與父母同行，所以就係決定o係大埔市中心搭的士 由大埔超級城搭新界的士大約$50幾蚊，車程約10-15分鐘 走的時候原本打算行返山大路搭巴士，但剛好又有人搭的士到附近的村屋探人 結果都係搭的士，出市區平左少少，$50有找，慳返好多時間~ <慈山寺建築> 講左咁耐，梗係要同大家分享下入面的環境啦 其實開放的公眾地方唔算好大，但因為限左參觀人數，所以都唔會覺得多人 入寺前需要對登記編號及登記人全名 然後會分發訪客證，參觀期間請保管好，離開時交還 參觀時可自由活動或者參加導賞團，因為我們是下午最後一節的時段進寺 怕時間不夠就沒有參加導賞喇~ 寺內其實就是一個非常廣闊的明堂，這個廣場很大，然後有數個內殿 裡面的佛像就很莊嚴，正殿後方亦有一幅敦煌璧畫仿製圖，值得一看~ 其中一個安排作抄經體驗，有興趣的朋友可以進去抄經 (最後進場時間為15:30) 此外，廣場亦有四棵菩提樹，亦有荷花池、噴水池的佈局 (幸好水池沒有被當作許願池) 累了的話，則可在旁邊的迴廊坐低抖抖~ 至於觀音像就隱身在大殿之後 無論遠觀或近看就極其壯觀的觀音像 看到遠方觀音娘娘腳下的水埕嗎？其實這是一個「供水」體驗 希望大家能減慢步伐，至於是一個怎樣的體驗，這裡就先賣個關了不說穿了，留待大家發掘吧！ 參觀完畢之後，大家可以到這裡的cafe 享受一杯咖啡或中國茶 這裡沒有價目表，隨心投進"功德箱"就好了~ 要注意這裡開放時間是13:00 - 16:00 喝完咖啡，我們也就離開了~ 就這樣渡過了一個靜心的週末 <注意事項> 正所謂入廟拜神，就算無宗教信仰，都要抱持尊重態度，所以請記低以下重點︰ 1. 裙/褲一定要及膝，避免穿著背心 2. 寺內請盡量保持安靜，切勿大聲喧嘩 3. 所有內殿皆禁止拍照 (其實即係室內範圍) 4. cafe 採自助形式，享用完畢請自行清理枱面 希望大家有一個愉快的見學體驗啦!!! 慈山寺網址︰http://www.tszshan.org/home/new/
