除非你係經常需要公幹，又或者錢多買正價機票 否則單憑個人搭飛機能力，要成功在里數到期前(Asia Miles里數有效期為三年)儲夠里數可能天方夜譚！而相信大部人朋友和我一樣，都係靠信用卡積分換取里數的 問題來了！究竟換里數再用黎換機票抵d？ 定係直接拎左錢/現金券先然後自己買機票抵d呢？ 以下兩篇網上分享，可能會給大家一點啟示。 ============================================================ 原文︰http://www.hongkongcard.com/columnist_article.php?id=880 《廉航當道，里數貶值？》 廉航特色在於票價相宜，並實行「用者自付」原則 基本票價不包飛機餐(包括飲品)、機上用品(毛毯、枕頭)、寄航行李 以上種種在傳統航空公司享用到的服務，通通要額外收費 因此，要比較兩者票價(從而計算里數價值)，就應該抱持"Apple to Apple"的守則 不應只以廉航的純票價來比較，亦應該持平一點，以廉航的正常價來作比較 而且，傳統航空公司票價所包含之服務也應計算在內，例如20KG行李托運、飛機餐、毛毯/枕頭 戰線最激烈的，相信一定係大阪！ 以下就以價值30,000 Asia Miles的國泰航空直航來回大阪機票作標準 比較一下其他航空公司的收費 *以下為各航空公司於2014年12月9日之官方網頁價錢 *出發日期︰2015年1月15-20日 簡單比較一下，可以發現以正價計算的話，最抵搭的HK Express比CX足足平了42%!!! 此時里數價值亦相應降至$0.10per mile，貼近「台北價」了...... (按此繼續閱讀) =============================================================== 原文︰http://www.hongkongcard.com/columnist_article.php?id=855 《現金回贈主義者》 近排越來越多網站有詳細教學，教你點樣用信用卡先可以兌換最多嘅里數。但要去旅行有時都唔一定要換里數先抵。簡單嚟講，如果有廉航飛嘅航點，用現金回贈買機票會抵過用里數換。 就好似飛台灣、東京、大阪、名古屋、新加坡、宿霧、首爾、釜山呢啲香港人熱門嘅旅遊地點，廉航張機票連埋稅先唔駛二千蚊。如果用分換可能淨係稅同燃油附加費已經要千五蚊。而家連飛長途少少嘅悉尼同珀斯有星航旗下嘅廉航Scoot，喺新加坡轉機連稅唔洗三千蚊（國泰飛澳洲淨係啲附加費都收$2,383），所以用里數換機票去廉航都飛嘅地方一啲都唔抵，反而賺現金回贈仲划算。當然啦，如果要飛長途啲，好似歐、美等地，冇廉航飛，就真係要儲里數先值得。 唔信嘅話計條數俾你睇，以飛日本東京或者大阪為例，HK Express 或香草航空（ANA 旗下新開廉航）連稅大把 $1,500 內嘅機票（$1,500 內仲要唔係 promo 價，如果做 promo 隨時可以再打個7折）。以 1% 現金回贈嚟講，$1,500 嘅機票即係要碌 $150,000。而用里數換飛東京嘅機票要 30,000 里，全城本地消費換里數最抵個張卡（渣打WordMiles AE卡碌 $5 有 1 里）都要碌 $150,000 兼要俾 $644 附加費，仲未計換里數需要嘅手續費同埋唔係到到都收 AE 卡。 今次同大家分享三張恆常現金回贈（即係冇限要特定消費商戶或種類）最高嘅信用卡...... (按此繼續閱讀) ================================================================== 個人意見︰不要盲目跟風儲里數！ 如果你對航空公司無特別偏好，又不介意航班時間，廉航其實確實會比較划算 如果你去旅行係想嘆下抖下，希望全程都舒舒服服，咁用里數換機票是一個不錯之選 又如果你每次都係飛長線/一個trip玩幾個城市，咁換里數實無錯，因為長線機票價錢貴短線幾倍，但里數就根據飛行距離計算，增幅溫和好多，例如飛日本30,000AM，但60,000AM已經可以去到歐洲，但來回倫敦機票又何止貴日本機票一倍呀？！不過你係哈日族的話，又另當別論，因為計及內陸機，60,000=日本x=(日本城市x3)x2=6個日本地方！ 信用卡積分要點用，好睇個人習慣，最重要係搵到適合自己的模式~
