原來好多朋友同我一樣，對於Asia Miles新手而言，都抱有「想儲但唔知點儲」的疑慮；坊間有好多「最強信用卡組合」分析，唔知大家又有無跟住黎做呢？ 之前的分享得到不錯的迴響，所以我決定繼續分享自己的經驗，互相交流！ 其實每個人使用信用卡的習慣都不同，最緊要自己慢慢摸索，從而組合出一套自己覺得最啱用的配搭。之前U travel都出過一篇專題，附有心理測驗，睇下你係邊類人，例如怕煩或者慣得比較的話，通常都係一卡走天涯的~有興趣可以去重溫一下「一分鐘速成班︰教你做儲Miles達人」︰http://travel.ulifestyle.com.hk/theme/asiamiles/?utm_medium=web&utm_content=theme&utm_campaign=weekend-140605 其中一張我覺得好用的卡，是富邦銀行的白金卡 (注意︰一定要白金卡才能將積分兌換里數) 因為呢張卡係少數繳費可以儲分的信用卡黎架~ 雖然正常情況下，兌換率僅為 12分=1里，但由於逢weekend簽帳都享雙倍積分(簽帳額$300以上)，計返即係6分=1里，同DBS一樣~~ 除此之外，對我來說，最大亮點外幣簽額的額外積分︰ 1. 台灣 $1=20分 2. 日本 $1=8分 (推廣期內只限登記2次) 3. 韓國 $1=8分 (推廣期內只限登記2次) 4. 其他 $1=4分 所以我之前去日本同韓國都盡可能簽卡 酒店錢都係check-out時以信用卡簽帳，分數易賺好多 不過，有得必有失，就係呢張卡兌換里數需付手續費，每5,000里數收$50，每次最少收$250，最多收$500，即係最低消費換25,000里數手續費先無咁蝕，若果換超過50,000里，手續費計落仲要平左添呀 另一個較為難的地方就係分數只有一年限期，如果唔係有好多洗費，所儲的分數唔多，兌換里數時就要硬食$250手續費，變相無咁抵...... 呢張卡連神級里數達人粒粒玲子都用，你又點可以唔follow呀？！？！ (source︰粒粒玲子facebook)
