更新(2014.03.18)︰2014年4月30日前，美國運通推出特別referral program，指定持卡人可推薦別人申請CX AE，受薦人可獲額外獎賞里數1,500(黑卡)/1,000(綠卡)，即申請即送2,500(黑卡)/2,000(綠卡)，另文有述(詳情按此) ********************************************************************************************************* 對於一眾旅行精，一定認得呢個logo︰Asia Miles 亞洲萬里通 關於呢個會藉，我相信大把人比我更了解，呢篇唔係攻略教大家點儲里數 我係新手一名，2014年才開始儲里數， 申請了一張國泰航空美國運通信用卡(CX Amex Card) 貪其免費入機場候機室(搭廉航最o岩用) 美國運通卡(Amex)最唔好o既地方係好多地方都唔收 所以就算係拎迎新之選 (好多blogger都有推介過，可以自己google一下) 都唔係咁容易簽夠數~ 但係我最近因為計劃一個四日三夜的東南亞之旅，結果淨係呢個trip的機票+酒店，夾埋大約四千蚊，已經令我儲到過萬里數喇~~~ 係咪好吸引呢？等我同大家分享一下啦 今次個行程好簡單，東南亞城市4日3夜，埋單$4,000全包(連稅)仲有找幾蚊~ 先講機票，由於我出發當天已沒有經濟客位(Economy)，因此我只好加錢升等至特選經濟客位(Premium Economy)，可以儲到110%里數，來回即3,272里數 重點係咁o岩我出發日期有推廣，坐特選經濟客位可獲取雙倍里數，即刻double up變左6,544里數(留意這是機票本身里數，不是簽帳所賺里數) 而張機票係購自國泰假期的套票，雙人機票+2晚酒店套票，總供$6,930，用CX卡簽帳，每$8=3里數，呢度又賺左2,598里數 (p.s.其實如果你有HSBC卡又揀o岩簽帳類別，可以儲到最高11倍獎賞錢，會仲多里數，但HSBC換里數有手續費~) 仲有就係淨返的一晚酒店喇，又係因為酒店有推廣，房價大約$1,000，入住有里數送，加埋用CX卡海外簽帳每$3=1里數，夾埋呢度又有大約1,000里數 埋單計數，個人支出 ($6,930+$1,000)/2=$3,965 所得里數︰6,544+2,598+1,000=10,142 四千蚊已經儲到超過10,000里數 一張來回台灣機票都只係15,000里數 (雖然我不鼓勵換台灣機票，因為機票本身太平，買好過換~) 其實如果你係新卡(首3個月內)，仲可以賺埋迎新優惠， 1,000確認新卡(需經指定途徑申請)， 再加上簽$3,000/$5,000賺3,000/5,000里數 即係可以賺15,000/17,000里數，即刻可以走一轉台灣~ 變相去一個trip送多一個trip俾你！ 註︰呢個未必係最抵的一個簽帳方法，只是一個簡單分享！ 歡迎各位提供更著數的簽帳方法~~~ 如果各位旅遊達人有儲里數心得、或者換機票攻略，請多多指教，畢竟我係新手一名，計埋呢一萬里數，我都仍然係未儲夠里數換機票~
