之前一路都只係寫外遊的所見所聞 但身為香港人，無理由唔分享一下香港的生活架嘛~ 所以我決定每逢遇到特別的事都會開始分享！ 香港人咁鍾意影相打卡分享，今日就介紹一個最新影相位俾大家 就係响文化中心隔離的香港藝術館 由即日至2014年6月15日，香港藝術館會舉辦「刻畫人間 ─ 朱銘雕塑大展」專題展覽，我對藝術界係零認識，無乜art sense，但作為影相位，就不能夠不分享喇，因為真係幾特別架~~ 展覽詳情︰ 日期︰2014年2月28日 至 2014年6月15日 地點︰香港藝術館三個展區~ 1. 地面廣場(免費展示區) 2. 專題展覽廳 3. 當代藝術展覽廳 4. 大堂(二樓) 有關付費區開放時間及票價，可參考香港藝術館網頁 (按此) 關於朱大師的威水史，恕難匯報， 我只係趁今日lunch time走左去影左廣場幾張相分享， 可能仲有其他公開展示的作品無影到，留待各位發掘喇~~ 第一個影相位一定係彌敦道同梳士巴利道交界！ 之前搭車經過已經"立"到有成渣西裝友擔晒遮咁企响到~~~(當時未知有展覽) 行近d先~~ 呢個角度就係之前睇報導話「驟眼睇以為身處紐約街頭」 行返去正面影 呢張係特登就返後面個青蘋果架~~ 廣場仲有兩個最值得推介的影相位 一、士兵 (若週末來這裡可能就要慢慢等無人先影到喇) 二、排隊 (尾二有個窿俾人企埋去一齊影的) 唔好唔記得捕捉傘兵呀~~~ 還有這一家三口 體操王子？ 壓軸出場︰肥嘟嘟系列
