上回講到黃昏前大阪周遊卡(一日劵)景點部份已完成歷史使命~ 可能你會問︰點解唔去埋梅田空中庭園展望台(入場費原價JPY700)？咁咪可以令張周遊卡更划算？ 無錯，照道理絕對應該咁plan，反正展望台亦在梅田駅，咁順路唔去好浪費 我咁做當然有原因啦，因為要去睇特別版的大阪城天守閣丫嘛~~ 點解外牆唔同左？ 那就是我冒著寒風夜晚才到訪的原因︰ 大阪城3D Mapping Super Illumination光影藝術祭 這是一個期間限定的活動，這年的就定於2013 年 12 月 14 日 至 2014 年2月16日期間每晚17:30至22:30舉行，入場費平日JPY1600，假日JPY2000 U Magazine亦有介紹︰ https://www.facebook.com/photo.php?fbid=10152342576799616&set=a.216523284615.173932.126261789615&type=1&theater 官方網址︰ http://www.tenka1hikari.jp/?pageId=003r01 不過......去大阪城之前，還有一個任務，就是到Grand Front Osaka的Beams的其中一間副線幫朋友買件褸，亦都係因為幫朋友買，結果自己都出手全個trip唯一的shopping~ 一出JR駅就會見到，好近，為大阪駅最新開幕之商場，共分南、北兩館，裡面多售賣連品牌服式 (實拍相黎ga......外型都幾靚~) 買完。走之前食返杯抹茶芭菲先啦~之前有人推介我食Grand Front Osaka南館的Nana，今日一試，還不錯，尚未去到非食不可 之後仲去另一間cake shop買左個無花果蛋糕，好特別的味道~無試過咁食無花果! 係時候出發去大阪城喇~ 去到JR駅，見到樓上有個「時空廣場」special，當然要去望一望 同樣以LED燈作為重點，似乎大阪人都很愛用燈光做賣點呢~ 1月依然可以找到雪人蹤影 礙於時間關係沒有慢慢影相，但求「到此一遊」 鏡頭一轉，已經來到會場喇~ 一進去就已經可以看到美得讓人惾眼的燈飾！ 先經過「光之迴廊」 長長的一條時光隧道 兩旁也有很多燈飾 點擊圖片放大 之後會來到這片LED田園 附送LED Cubic一個，其圖案會隨會場音樂變化的~ 換個角度看一樣咁靚~ 還可以遙看大阪城天守閣呢~ 會場有兩個表濱節目，我不打算分享太多，因為兩個都是以「燈光+音樂」作為一種視覺享受，若非現場看，很難感受到那份震撼。另一原因是我希望專心欣賞，而且晚上實在太冷了~~~~~~很懶一直拿著相機拍照 表演一︰花園燈光show 表濱二︰大阪城天守閣 網上也有很多朋友拍了影片分享，有興趣看全個表演可以去搜尋一下！ 原本想看兩次才離開，奈何敵不過嚴寒，還是放棄了 走的時候多拍一張天守閣，希望下次有機會進去 第5天亦是最後一天，其實沒有排行程，因為我是乘早上09:30的航班回港， 前一晚離開大阪城之後，已經十點，仲未食dinner，所以隨便找了間麥記食了個宵夜就回去了 在酒店樓下的便利店買了即沖粟米湯做為明早(清晨)的早餐 之後在房間忙著收拾行季、上下網、用酒店的浴鹽泡了腳，玩玩下都無點訓過 結果全程在機場訓到落機，未起飛已經昏迷了，買平機票就是要體會一下這些嘛~~~ 五天關西之旅就此結束，返到香港落機太肚餓，去T2的陳福記食埋個lunch先慢慢搭車返香港，早機的好處 - 不用趕回家準備明早上班的東西~ PS︰返黎無耐Peach又做減價，比這次的機票再平$200，所以我又買左，6月再戰！
