雖然已經放寬左政策可以去旅行٩(ˊᗜˋ*)و,不過準備去旅行爆吃同爆買前先係香港食下日本過江龍既燒肉店醫飽個肚先.᭣Beefar's 鹿兒島燒肉 Tasting menu hkd$178𐐫極上前菜拼盤一盤送上3款豪華既前菜拼盤,望到真係眼前一亮!!⸝⸝⸝海膽薩摩牛軍艦╯厚而佈滿牛脂雪花紋既薩摩牛包住鮮而飽滿既海膽及三文魚籽.入口帶出薩摩牛既脂香及彈性,後帶海膽creamy甘甜既鮮味.⸝⸝⸝珍寶帶子刺身蟹肉味噌三文治╯極厚身既帶子中間切開後再夾入蟹肉及蟹醬,整個味道甘而濃厚,帶出雙重鮮味.⸝⸝⸝和牛芝士他他壽司╯牛肉他他加上芝士後味道更濃厚. 以三角腩切粒製成,再沾上秘制蒜味的蕃茄醬？酸酸甜甜既香氣剛好中和左他他牛肉及芝士既膩感.⸝⸝⸝牛油果海鮮沙律╯沙律菜及牛油果同樣新鮮!配搭蟹肉更鮮甜,清爽開胃.⸝⸝⸝海膽三文魚籽和牛刺身╯係和牛片上加上海膽及三文魚籽呢個無敵鮮味既組合,完美地沖衝住味蕾!᭣𐐫湯極上牛肉濃湯╯牛肉濃湯帶住點辛香,除左牛香亦帶有蔬菜既甜味.᭣𐐫主菜 去到主菜既環節同樣新滿驚喜!食到4%奇跡之牛及各個稀少部位完美地滿足左我呢隻食肉獸.⸝⸝⸝一口和牛西冷天婦羅╯嫩粉既和牛和西冷被薄薄一層既天婦羅炸漿包住,外脆內嫩腍既口感帶出層次感.芥末沙律醬既辛香感輕左一陣油膩感.⸝⸝⸝甲羅燒╯我最愛既甲羅燒!充滿蟹羔,蟹肉及蟹籽3重滋味,加上蛋漿後再燒熱後每啖都帶住濃郁香濃既蟹鮮味.⸝⸝⸝稀少部位 4 款╯4款稀少部位分別有貝身肉,腿三角,羽下,三角腩.牛花同樣分佈平均,肉香質感香軟鬆化.⸝⸝⸝鹽蔥牛舌包╯極厚身既牛舌內裏包住大量鹽蔥,燒香後既牛舌包爽彈又充滿肉汁.每一啖食到牛舌濃厚牛脂香之餘又帶住蔥香,必試!!⸝⸝⸝4%奇跡之牛極上牛柳扒╯以奇跡之牛見稱既珍品,和牛級數直達A5級.牛柳扒上既雪花紋平均細膩,輕輕燒香兩面已經足夠,入口香軟.當中既油脂豐腴甘香,牛脂香慢慢係口中化開.⸝⸝⸝4%奇跡之牛極上西冷╯薄薄一大片既極上西冷充滿油份,放上爐上炙燒幾10秒後已經可以食! 極上西冷已預先加入壽喜燒汁作調味,燒香後沾上生蛋黃帶出壽喜燒風既風味.⸝⸝⸝日式冷素麵╯食完咁多熱辣辣既野食返碗冷麵降溫之餘又可以清新一下口腔去迎接甜品.᭣𐐫甜品是日中餅╯加上黑蜜既雲尼拿雪糕再配上中餅,外脆內軟,作為甜品唔會過heavy.᭣點擊圖片放大 +7
