平時麻辣干鍋就食得多但除左麻辛辣香既味道外仲可以有咩突破？就係將佢同西餐常用得黎又深得港人歡心既黑松露！真係估唔到辛手村呢個fusion干鍋既味道咁有驚喜.估你唔到麻辣黑松露干鍋干鍋配上五花肉•魚豆腐•貢丸•椰菜花及辣椒,芫茜,蒜等等.干鍋上同時灑滿黑松露,入點先帶出黑松露獨有既香氣,之後帶出一陣陣辛香感.加上黑松露後既干鍋唔會蓋過整體既辛香感之餘反而令味道更惹味.4款配料中最惹味係魚豆腐,大大粒既魚豆腐香軟得黎吸收力又強,索晒干鍋既精華.點擊圖片放大 川燒韭菜韭菜無渣亦帶住一陣辛香味,加上炸蒜更香口惹味. 川燒秋葵爽脆秋葵燒香後內裏無咁黏膩,味道幾清新.川燒豬大腸豬大腸處理得幾好,唔會過重內藏羶味,入口煙煙韌韌. 川燒牛肉串牛肉juicy,燒香後唔會過火,肉質保持香嫩. 辛手雞棒肉串雞肉串內帶粒粒雞軟骨,香軟既雞肉內帶出陣陣脆卜卜既口感,夠晒特別. 川燒魷魚鬚串鮮魚鬚爽彈亦充滿鮮味. 荔枝烏龍冰茶清甜荔枝皮上清香既烏龍茶,解膩又清新.鳳梨烏龍冰茶內裏帶粒粒鳳梨肉,帶少少酸酸甜甜既鳳梨清新又開胃,加上烏龍茶好夾.柚子冰粉食左咁多辣野同串燒,最後一定要食返d清涼又fresh既甜品降一降溫.另款冰粉既柚子味夠濃,帶陣陣柚子清香,冰粉香滑彈牙,味道唔會過甜,作為甜品都唔會帶負擔感.
