對上一次去澳門已經係2年前的事了, 近年澳門變化都唔細, 但慶幸好多小店仍在。 今次4個人係信和book了星期六日酒店+金光來回船票=每人$750, 抵過去長洲玩一轉呀! 其實我地已經係出發2星期前book. 但都好full, 本來要自己當日去碼頭自己拎票, 但個姨姨話可以每人+$5幫我地去拎~~~太好啦~~~唔洗晨早去碼頭拎!!!!------------------ 4/7 個日12:30船：港澳碼頭-->氹仔 去到氹仔大約1:30, 再坐shuttle bus 出威尼斯人已經2:00幾~~ 係威尼斯人買左件安德魯葡撻$10 件! 貴左好多...但真係好香蛋味! 所以我只係係回程買左半打做手信, 其他一律唔買。 仲有呀~~~ 呢間已經多人買到人仔對葡幣1:1, 真係明搶大陸客錢~哈哈哈 勁好搵...不過反正大把大陸客搶購~! 而對港紙都係1:1, 比起人仔唔算過份。 威尼斯內有d店仍會兌1.03, 冇咩影響。 不過好大機會找返葡幣比你~~------------------ 行左陣威尼斯,由威尼斯行去官也街唔遠, 到步已經3:00, 而澳門唔似香港, 大部份食店都close 3:00-6:00, 好在2年前去過的泰國小店仲有開, 但明顯超超超超超少人。 泰國小店叫咩名我冇仔細睇,但係官也街向左行一陣就係, 門口有部tuk tuk(泰國一種交通工具)圖案就係!! 今次點左3個小菜+1杯青檸梳打 >>>青檸梳打($26-28) 好青甜, 消暑良品!店內大部分飲品都要20起跳 普通檸茶同青檸梳打一樣價 >>>蝦餅~~~ 一定要點!!! 炸得剛剛好, 配埋酸甜醬好開胃~~ 但由於係炸物, 食一塊半夠啦 xp >>>菠蘿炒飯。仲諗住有原隻菠蘿... 但都算好食, 但香港有d泰式餐廳水準比佢好~可叫可不叫~~~ > >>>菜包肉??? 忘了名字, 又是泰式菜必吃。 不過基於我唔食辣, 我只係用一塊仔生菜包左3-4粒肉碎(笑), 但都足以令我個口麻麻地~~~哈哈! 但我覺得味道是不錯的。 埋單大約mop $ 300-400 ----------------------- 飯後去官也街+住宅博物館行左轉 住宅博物館以前唔洗錢架, 呢家要入場費!!!!!! 雖然冇睇要幾錢,但如果未去過又唔貴, 個人建議可以行行~ 因為相比以前係靚左同多左好多設備! 1. 有冷氣歎、有冷氣歎、有冷氣歎(好重要所以要講三次) 2.湖邊多左休憇設施, 可以邊欣賞蓮花，同埋一埋賭場=.=(以前只有矮樓) 3.有小食亭、公廁(好乾淨)、遊泳池(嘉模遊泳池)、郵局係附近 4.旁邊多左個咩嶺南咩咩, 好大陸feel ge 蓮花種植區, 有好多好多蓮花, 但7月去未開晒, 只影左一朵比較靚的~~~ ------------------ 行完氹仔, 基本氹仔最出名都係官也街, 買手信的地方,但行左900幾次的我就唔多講呢度啦~~~ 之後坐巴士返澳門半島!!!!!!!!!!!! 今次住同新馬路、十月初五街、大三巴好近的 "十六浦索菲特大酒店" 住8樓已經有好好視野~~ 而且坐lift要先插房卡, 保安都幾好!~ 房間唔算好大,但有2張雙人床,拍埋瞓到4個身形一般的女仔, 都ok鬆動。 洗手間有一企缸一浴缸, 重點係沐浴品係L'OCCiTANE!!!!!!!!!! 嘩~~~~~~~好想試呢個品牌XPP 不過房就冇上次住ge氹仔喜來登咁大,但勝在近名勝,唔洗下下坐巴士。 ------------------- 安頓好,晚上經過十月初五街, 去大三巴附近ge "蕃茄屋"葡菜館。 葡菜館位於史山斜行, 夜媽媽有少少難搵~ >>> 1994年開業, 澳門有2間店 >>>試左呢枝葡式汽水...係梳打, 味道普通,但唔會好似coca cola 咁甜~ mop$16, 可以一試, 我諗香港應該冇得買,有橙味,菠蘿味~~~ >>>點左3個菜最好食呢個薯蓉馬介休,個人覺得比媽閣廟附近的「船屋」好食! 咸度適中,鐘意食薯蓉的人唔好錯過! 其他味道中規中矩, 但勝在比「船屋」便宜~~~ 好似平左一半!!!!! ----------------- 食飽回程經過大三巴,夜晚冇咩人,所以好好行!!! 仍有好多手信店營業中~無論影大三巴定買手信都唔洗迫!!!!!! 然後回程經過十月初五街, 搞緊個「十月初五懷舊老街」 時間已經係9:00, 但真係冇咩人... 唔知係咪澳門同香港ge「懷舊」方式唔同, 澳門d懷舊係講緊 70年代, 全部我地都冇玩過, 所以冇共鳴! 不過倒有d香港都有ge小吃, 如魚旦、碗仔翅 >>>啫喱蛋未見過, 好化學feel,哈哈~~唔知好唔好食???????!!!!!! 特別推介係十月初五街附近ge中國國貨公司~ 我真係細細個就有幫襯, 好高興佢仍然存在! 係一間好舊式的超市, 食物、飲品、日用品、綿被...都有得買!!! 而且仲好平~~~好似大包裝 ge 紙包飲品只係mop$4.5 咋!!!!!!!!!! tictac糖都係4蚊~~~ 所以買左d邊行邊食! 之後返酒店沖涼玩遊戲就一day =) -------------------- 第二日 10:00 左右就check out, 今日坐6:00船 不過天氣爆炸熱, 比琴日曬左好多, 所以hea行下就算。 朝早食左早餐就沿大三巴旁邊的路行上白鴿巢, 途經「戀愛巷」 >>>由戀愛巷的小狹縫睇到大三巴, 配上戀愛巷的粉嫩色的建築物,真係好靚。 ----------- 之後行行下見到有條小街泊滿電單車, 車群中有兩隻好可愛的動物! 原來係一家澳門手作曲奇店---「熊曲奇」(www.kumamacua.com) (地址: 澳門花王堂街富運台8號地下LA座) 這間是專門賣自家製曲奇, 蛋糕等等,是一家CAFE! 門口有印章蓋, 適合文青一去! 大概初開業, 人不多, 但店內有好多公仔供遊人邊吃邊影相。 我沒有買曲奇,但據我朋友說, 味說很好,而且有好多款味道, 絕對是新興的澳門手信! 點擊圖片放大 +3 職員好好呀, 我冇買野但四圍影相都冇出聲XP ---------------- 上到白鴿巢有一間小天主教教堂, 沒有人(唔見有人看守), 可以靜靜地參觀。 --------------- 回程前朋友吃了個豬扒包, 味道?唔知, 我冇食,哈哈哈。
