【 #三項鐵人 】🚴🏻♀️尋日講完游水，今日講下單車先！🚴🏻♀️ 單車通常係第二個項目，好多人都會問係唔係有得沖完涼先踩車，未玩之前，我都有問過類似嘅問題😂，因為游完海水，成身都係鹽，咁咪會醃住個人囉🥺而其實出到去比賽，又真係好少人會換衫嘅，因為專業嘅三鐵運動員，通常會着trisuit🩱，質地比較薄，而且貼身快乾，上車踩一陣，就已經乾曬，最重要嘅係轉項嘅時間都係時間，所以會盡力減少每1秒無謂嘅動作！⏰ 游水>單車轉項區 上到單車之後，就係我追時間嘅時候，呢樣亦都係三項鐵人嘅獨特之處。一個比賽，三種唔同嘅運動，每個人都有自己嘅強同弱項，🚴🏻♀️單車就係我比較強嘅項目，所以就趁機會彌補游水所失去嘅時間😎 🚴🏻♀️其實單車即係要踩幾多呢？原來三鐵嘅賽事裏面，分開咗好多唔同嘅組別，一般比較常見嘅，有呢幾種：🧒🏻小鐵人 4-12K👧🏼半奧運距離 20K👱🏽♀️奧運距離(5150) 40K👱🏾♂️半超鐵 (70.3) 90K🧔🏿超鐵 (Ironman) 180K 準備落車，所以係車上面除定鞋先大家唔好以為三鐵嘅單車比賽，係同單車比賽一樣！好多規則同裝備都唔一樣㗎 ！三鐵比賽裏面，主張靠自己嘅力量去完成，所以唔可以「勾車」(借其他人唧單車擋風)，用嘅單車通常會揀TT bike (計時車)，而lock鞋多數都會用魔術貼款...... 單車嘅資訊實在太多啦，如果有興趣知多啲嘅，歡迎你喺係IG留言話我知，我再喺Story到解答大家啦！聽日再同大家分享🏃🏻♀️跑步🏃🏻♀️項目啦！📝by @iamsporti #我係SporTi
