如果你係一個山系人,呢幾日都可能會俾HK100洗版~ 下!?開始左報名咩?係,不過係保證名額姐~正式報名日係2018年7月11日(星期三)上午9時至7月16日(星期一)晚上11時,咁點解會有咁多人有保證名額?因為佢地係2018年賽事義工,又或者係連續8屆參加者。 開始報名前,又等我又講下先~ HK100係咩黎嫁? HK100全名係「Vibram ® 香港100」,比賽起點係西貢北潭涌,經過鹹田灣、海下、出返水浪窩,再麥理浩徑去到大帽山,落返大帽山扶輪公園為終點,全程距離100公里,累積攀升大約4,500米,參加者必須於30小時內完成。 有咩咁值得報? HK100係香港傳統四大100公里山賽其中之一!Grand Slam嘅指定比賽!(今時今日實左太多長距離山賽啦,唯有加個「傳統」俾佢啦...XP) 亦係四個之中,只按路線計算,最容易嘅一個~ (除非毅行有強大Support Team,又真係要行到35個小時以上啦) 而且,主辦單位超細心嘅安排,又有熱血義工每個CP嘅Support,仲有沿路攝影師嘅相機,總會有靚相~ 最重要嘅係,有一件靚靚嘅完賽Hoodies同又靚又實用嘅紀念品~ (真係好靚嫁,見下圖) Finisher Hoodie所以每年都有唔少人爭住報嫁 點報名? 要報名首先要滿足以下條件:必須於比賽當日(2019年1月19日)年滿18歲必須於2018年7月11日(星期三)上午9時至7月16日(星期一)晚上11時於網上進行預先登記每位申請者需要繳付港幣100元作預先登記程序之申請費 (抽籤費ja,抽唔中的話,會由香港100撥捐作慈善用途,冇得退嫁!)咁好彩俾你抽中左,就會響2018年7月19日(星期四) 收到E-mail,然後交參賽費港幣1500元,去確認參賽資格 辛唔辛苦? 話唔辛苦就係呃你嘅~想知比賽嘅過程? click呢度>>>[賽後報告 – HK100]想知多d詳情: Vibram® Hong Kong 100 Ultra Trail® Race 日期:19 January 2019 時間:08:00 (19Jan) - 14:00 (20Jan) 地點:北潭涌 至 大帽山扶輪公園 http://www.hk100-ultra.com/