等待一小時為的只係一碗拉麵 - 魂~ 是日和好友黎到銅鑼灣一定要排隊先可以食到既拉麵 - 魂~ 由於間鋪好細坐位有限(得十幾個位)，雖然只係得8、9人排隊，但我地都要等左成9個字~ 排隊期間店員會比張手寫拉麵紙我地落單，原來只係得四款日式拉麵選擇~ 一睇張紙就知一定唔係流水作業，因麵既軟硬同濃淡都可以剔，每一碗都係個別製作~ 我地點左太極及每日只供應三十碗既青龍~ 夾夾埋埋足足等左成個鐘終於可以食la~ 先試試太極由豬骨湯和墨魚汁兩邊合成太極圖案，湯底濃郁而又充滿鮮味，而且唔油膩，雖然成碗麵只得一塊叉燒，但就會有好多其他配料 :蟹膏，金箔，粟米，木耳，糖心蛋，味道真係唔錯～ 再來品嚐限定版青龍，湯底由秘制菠菜汁加上豬骨湯组成，嘩！怪不得限量，個湯底需無太極咁濃味，但每一口都充滿青蔥及菠菜碎，口感特別和一般既日式拉麵，真係截然不同，好fresh既味道～ 由於兩款拉麵既湯底都各具特色，我地都忍唔住張所有既湯都飲哂，回味無窮，最難得既係飲哂都唔會覺得鹹同口渴（我試過食 ”味精” 拉麵無飲ｄ湯都足足飲左二支水先可以止渴），一百蚊左右一碗拉麵有咁既質素，真係物超所值！！ 用文字真係好難表達拉麵既美味，大家有機會經過個頭一定要去試試，自己親身感受一下它的味道！！ 銅鑼灣霎西街18C號地下 Tel : 2893 2699 星期一至六：12:00-15:00；18:00-21:00 星期日：休息
