去左布吉差不多2個月，懶人終於願意出文，分亨返布吉自由行5日4夜避寒之旅~~ 由於布吉冇咩文通工具，加上車費極貴，所以一早係HK BOOK 定MAN 哥租車，而且MAN哥又識中文又講廣東話，仲要唔使預先落訂，只需每日找數比司機就得，真係又方便又舒服~ 沿路風光 : 一點都不似曼谷，沒有高樓大廈、亦沒有大型商場，所以感覺比較樸素幽閒~ 雖然布吉呢度係冇咩好買，但天生購物狂既我，一定會搵到野買，第一站就去左好似貨倉既廉價大型超級市場掃手~ 真係平都你唔信，我買左咁都野HKD200都唔使~ 之後再去BIG C 掃多一轉~ 第二站lemon grass house~ 仲記得多年前，被佢既天然香氣吸引下，係曼谷買過一支，黎到布吉當然唔可以錯過機會好好朝聖一番! 地方雖然唔係好大，但每處都放她們自家製既產品! 花多眼亂，逗留左差不多1小時終於買到心頭好~ 不過，由於港元低迷，價錢真係比幾年前貴左一倍有多~ 第三站結婚求婚行禮勝地白色教堂~ 但.....好不幸地佢地進行緊清潔，唔比我地入去參觀，咁惟有係出面影下相就走~~ 點擊圖片放大 不經不覺已經入夜，依家我先發覺原來佢地D的士架架都有自己既style，但車內一定必備HI-FI及燈光來招攬生意~ 點擊圖片放大 +2 行左成日當然唔少得做SPA及正宗既泰式按摩~ (但唔知點解我都係覺得跟團去曼谷送既一粒鐘既泰式按摩正D~~ 第2日我地5點幾起身，快速D食左個早餐，就出發去similan island~ 這裡亦是十大潛水勝地之一，總共有9個島，但只有幾個島可以潛水，而且受國家保護一年只開放幾個月，雖然好遠，但無論如何我都一定要去見識下，經過長途跋涉，幾個鐘車程、又幾個鐘船程終於來到(好彩冇暈船浪嘔)~ 大家可能會問呢棵樹有咩咁特別?影黎做咩? 只要大家落足眼力睇，你會發現其實樹上面掛左好多蝙蝠~ 沿住又迫又窄又崎嶇不平既山路，終於爬上島上最高既位置~ 千辛萬苦上到黎，真係不枉此行，因為風景真係一絕，海天一色~ 當潛進海既中心，你會發現是......香港見到未見過既藍色水底，不但止能見度極高，解像度一流，而且今次我地仲好好彩近距離睇到海龜及海豚(由於係船上面加上海豚游得好快又不停地跳，所以影唔到相比大家睇) 到左第3日我地book左另一個tour，價錢不單比similan island tour平，節目都十分刺激豐富，物超所值~ 先來玩半小時ATV，速度快之餘，再加上山路崎嶇不平，真係好好玩~ 因為太忘形既關係，我一時大意不小心撞上沙堆，攪到車都反埋，好彩我及時跳車先無比架車責住而受傷，不過就比後面既圑友睇到整個過程，真係好樣衰~~ 玩完後個個團友都成了泥鴨。 (P.S 如果大家去玩我建議大家帶定個浴帽去，因為都頭盔勁臭，唔帶又唔得，所以只好免為其難地帶上~~ 之後做返個魚SPA休息一陣，但我真係休息唔到，因為真係好痕呀!!! 仲有大小象、猴了既精彩表現~~ 臨場更加插特備節目..... 唔好以為咁就完，其實仲有一個節目，就係激流~ 雖則個激流真心覺得一D都唔激，但工作人員個個工作認真又識攪氣氛(eg:唱歌助慶又不停互相潑水)大定都玩得好盡慶好開心!! 預告: 下次我將會向大家介紹布吉既美食，要密切留意啊!! 喜歡我今次既分享就給我一個推吧~
