暑假又到!!又係同D小朋友諗暑期活動，又要親子、又耍益智、戶外活動太熱又怕熱親、又吸引到小朋友，都真係幾傷腦筋~ 最近我就試玩左一個大人細路都好岩玩既活動~ 不論大人小朋友都好中意影相，我都唔例外，大人可趁青春留倩影，小朋友可記錄成長過程~ 首先我要介紹，設於九龍灣MegaBox 9樓的「3D魔幻館」，今期既主題就係迪士尼《魔雪奇緣》，睇到《魔雪奇緣》4個字，不論大人小朋友都一定好中意~ 入到去嘆住冷氣，舒舒服服慢慢咁同Elsa、Kristoff與Anna，以及超過30幅大型立體場景一同合照，彷彿同幾位角色一同暢遊北歐王國~ 點擊圖片放大 +3 大型立體場景板加上燈光配合，份可愛迫真~ 每個場景前，都提供左效果照片及拍攝最佳位置，你亦可在手機下載iBeacon程式，即可體驗3D魔幻館導賞功能，並獲知各場景的最佳拍照位置及角度，包保你輕輕鬆鬆拍出最隹既照片~ 場館內每一時段最多只可開放提供200名人仕參觀，所以每個場景都不用排隊而且有足夠空間比你慢慢影到滿意為止~ 小朋友玩得非常投入同開心~ 我家既DD玩到唔捨得走，不停Repeat再Repeat咁由頭到尾玩左幾次~ 影完相之後亦可在MegaBox食飯、溜冰、行街，話咁快就左一日了~ 迪士尼《魔雪奇緣》－3D體驗館展覽： 地點 : 九龍灣宏照道38號MegaBox 9樓 L9-23 展覽期 : 2015年7月3日至2015年9月12日 覽時段 : 每日10am 至 10pm (每日共分24時段，每隔30分鐘為一時段) 門票價格 成人： HK$168 小童 (身高一米或以下)： HK$ 138 小童 (0-3歲)： 免費
