臨近新年好多地方減價,又有藉口比我買下野! 最近去左LUSH行一轉,樣樣都好吸引我,唔覺意又買左袋野返屋企. 見到沐浴皂有半價,即刻買左兩個. 雖然平時我沖涼多數用沖涼液,但LUSH既沐浴皂不論個樣同香味都好吸引,所以都忍唔住手要買. 另外仲買左薄荷面膜.呢款係皇牌產品,所以無做優惠,不過唔緊要,最緊要有效.呢款面膜對改善暗瘡暗粒好WORK,所以間中我都會回購. 可能我太耐無去買,原來依家薄荷面膜有2款,真係唔去買都唔知. 今次我買左新款薄荷面膜,打開蓋一睇就知唔同. 比舊款質地稀D,唔會好似之前咁好似好膏狀. 敷上面後,覺得比之前更易推開,而且敷左10分鐘唔會覺得好乾好崩緊,保濕感提升返D,更適合冬天用. 舊版仍然有售,但個人更喜愛新版本,敷左兩次,下巴暗瘡無再出,不過D暗瘡印就要靠用下美白精華先退到. 另外仲買左盒BODY LOTION. 因為未用過LUSH既潤膚乳,所以唔敢買大盒,買住細細盒試下先. 青蘋果味既BODY LOTION,其他品牌好少有. 一塗開,真係好香青蘋果味,起初都有D驚會唔會似廁所D清潔劑味,不過用落唔覺,慢慢會變得甜甜地,可放心用. 雖然係乳液狀,但質地好夠潤,可媲美BODY BUTTER,但又唔會好似BODY BUTTER咁難吸收,所以真係唔錯. 近日天氣非常乾燥,濕度徘徊45%,用左呢盒BODY LOTION,皮膚真係無咩乾燥同痕癢,每日用一次已好足夠,所以小小一盒,都夠我用幾星期. 溫馨提示,LUSH既黑色包裝盒,儲夠5個,洗乾淨拎返去門市,就可免費換領面膜1盒,所以用完D空罐唔好掉,記得儲起去換面膜呀!! 歡迎聯絡: Email: candy_y_i_p@yahoo.com.hk
