深受大家歡迎既飲茶,我已食過很多次,每次食都覺得好好味,所以無論係朋友聚會,定係一家大細食飯,都會去飲茶開餐. 最近帶埋Joseph一齊黎食飯,估唔到小朋友都鍾意,所以係寫篇BLOG紀錄一下. 櫻花蝦飯.今次係第一次食.雖然係炒飯,但唔油膩,味道都唔會太濃,Joseph都啱食. 看上去份量好像不多,但也分到約4碗,一家三口去食剛好. 布拉蝦腸.腸粉幾滑,但皮就唔算好薄.不過重點係隻蝦好大,好夠睇頭,食落又爽口,絕對唔係一般酒樓比得上.呢款只限下午3點前供應,要食就要早D去喇! 招牌菜,睇住流奶.差唔多檯檯都會點,比起傳統奶黃包,真係好食好多!特別係趁熱食,就唔會覺得好甜,食完睇住流奶後,以後飲茶都唔會再叫傳統奶黃包.滿滿既流心奶黃餡,每吃一啖都驚整到一手都係,食呢個包,要食得滋味就好難顧到儀態. 透明波波.又係3點前先有,水晶皮包著黑松露什菜餡料,味道香濃,幾特別. 鍾意食香口野既我,非常推介這款珍珠雲吞. 外皮炸得非常酥脆,餡料是滿滿的豬肉和蝦,包得每粒雲吞都好有份量.一碟6粒,我跟老公分著食,真的很滿足.沾上附帶的酸甜醬,讓人吃得不想停口. 今次去飲茶,Joseph都食得開心! 後話: 這個聖誕,去了飲茶2次.一次是跟朋友去中環店,但要限時90分鐘交檯,所以吃得很趕.如果帶小孩,可以考慮去旺角店.同樣是食lunch,但沒有限時,有提供bb椅和餐具. 歡迎試用合作! Email: candy_y_i_p@yahoo.com.hk
