去日本最開心就係行藥房,雖然一條街隨時有4-5間,但我行幾多間都唔會厭. 其中係日本藥房買過一款幾好用既護膚品,就係相中既肌極酵素潔面粉. 呢盒潔面粉都出左幾年,唔算係新野,所以係日本應該唔難買到. 港幣百多元一盒就有32包,今次仲好好彩比我買到有贈品送,送左支迷你化妝水. 以前買過D洗面粉,有樽裝可以用好多次,又買過D係膠粒裝.而今次係獨立包裝,我覺得就最方便去旅行帶去用,每次一包,乾淨衛生.又唔怕好似膠粒裝會被其他行李壓到變型,存放時會更慳位. 潔面粉末好幼滑 加水後搓兩搓,已起出好多泡泡,唔需要用起泡網或起泡波波,非常方便. 當中用上天然米萃取保濕成分,所以洗面後絕不會乾.而且內含蛋白質分解酵素,可分解油脂角質,用完一次已覺得雙頰滑溜溜的. 我覺得用酵素作成份,比起果酸和磨砂更溫和,即使每天用這酵素粉洗面,也不怕傷皮膚,真的很好用. 下次去日本旅行,不妨買盒來試試吧!