放工後一班同事食飯，之前都係食日本野多，今日就試新野選了韓珍。 坐低就比左d泡菜，蔥，食燒肉既菜，醬汁比我地，泡菜每次比既份量唔多，唯有叫佢refill多幾次。 燒肉我地點左五花牛，豬肉拼盤。豬肉拼盤有3小碟，相中只有兩碟，其中一碟無影到。 豬肉拼盤份量唔太多，但一次過可試到豬排，豬頰，豬頸肉。 肉質有彈性，幾嫩口，味道就偏甜一點。而牛五花肉是薄片的，份量適中，但食燒牛肉，我鍾意厚身一點，薄片用來打邊爐比較好。 蛋餅是送的。很厚身，有香濃蛋味。建議先食蛋餅再食燒肉，否則就覺得它很淡。 海鮮煎餅，好香口，唔油膩，我幾鍾意，唔沾醬汁食都好味。 同事覺得d蔥太多，我本身鍾意食蔥接受到。如果對蔥一般，可以叫泡菜煎餅。 水冷麵大家一致讚好。梨汁湯好好味，冷麵放了一會才食都不會變軟身。每次食韓國野，都會點水冷麵，特別食完熱氣既燒肉，再食碗水冷麵，就覺得清新好多。 值得讚係韓珍地方大，坐得舒服，通風又好，不會很焗促，而且服務又好。埋單每人二百蚊有找，真係值得再黎。
