在清邁第三天,我們要去期待已久的文華下午茶了. 我們的酒店在夜市附近,而文華跟夜市有點距離,所以今日是坐的士去. 雖然BOOK了3:30PM,但我們2:45PM已到,早左好多. 清邁比曼谷好的地方,是不會塞車,所以不會浪費旅行的寶貴時光. 這裡的TEA ROOM不大,所以一定要先預約,否則很大機會無位. 2人HIGH TEA SET也包括了雪糕,大家可選自己喜歡的味道. 朋友在香港的文華買過玫瑰果醬,聽說不太好吃.可是今次我在這裡試了熱情果果酱非常好味,又多果肉,所以敗了一罐回來. 價錢大約是HK$40,比香港買的便宜很多. 2人HIGH TEA SET份量很大,這天我們沒有吃LUNCH所以才吃得下一整份,如果吃了LUNCH才過來歎下午茶,我想要CAKE SET比較適合. 這裡的甜點鹹點都好好味.特別是蟹肉蟹籽牛角包,啖啖蟹肉超正. 鬆餅都很好食,提子夠多,質地不乾,配上它們的果醬我一共吃了3個,把老公的一份都吃了. 雪糕我要了紅莓雪芭,酸酸甜甜的,可去除豐富的下午茶的飽滯感.而老公要的夏威夷果仁口味,果仁大大粒,很重的牛奶味,質地很滑的. 飲料方面很推薦凍意大利泡沫咖啡,這裡的COFFEE是這次旅行中最好飲的. 一場來到,當然要買它們最出名的甜品,就是MACARON了! 出名原因有二,第一是價錢平,約HK$5一粒.第二當然是超好美啦! 這次我們超瘋狂地買了24粒,而且在回香港前已完全吃掉了. 文華酒店的環境很靚,有很多影相位,建議大家可預留時間於歎完下午茶後散下步,影下相. 之後我地去左CENTRAL AIRPORT PLAZA,去了最頂兩層下,見到有FOOD COURT同好多日本餐廳.不過我地食左下午茶太飽,所以無食就走左. 行行下我就覺得頭重重,好似作感冒,即刻返酒店食藥瞓一陣.仲有兩日係泰國,千祈唔好病呀,點都要頂住,如果唔係邊度都唔使去. 返去酒店瞓左陣,覺得好D無咁頭痛就出去食野.係KALARE NIGHT BAZARA有個FOOD COURT,如果大家行夜市行到餓,可以黎醫肚. 經過呢間FISH SPA,老公好有興趣.可以邊做FISH SPA邊上網,而且好多遊客都留低左COMMENT大讚.可惜今日無開,無得試喇! 講返個FOOD COURT先,地方大,易搵位.但無冷氣,所以要歎冷氣,都係要去餐廳. 好彩我唔係好怕熱既人,所以就係呢度開餐啦! 因為病病地,所以食左個魚蛋粉已無咩胃口.魚蛋好彈,粉又夠滑,泰國D魚蛋粉真係又平又好味.加左D炸蒜頭係面特別香口.老公要左炒飯,炒得夠乾身,蛋又香,HK10有一碟,超抵!
