新年大家有咩節目??如果未有idea,可以考慮去迪士尼.上星期六我又去了迪士尼玩,已經轉左新年佈置,好有節日氣氛.當日爸爸媽咪都好有興趣影相,新年佈置特別受長輩歡迎,哈哈! 一入樂園就見到好多桔,而且還有金龍啊! 本來以為星期六會超多人,但去到又無想像中人多,而且不是太凍,我還霸到好位影相呢! 看過巡遊後,當然要去玩今次最期待的TOY STORY LAND啦! 大家既指定動作,入去玩前影返張相先,嘿嘿~ 一入到TOY STORY LAND,見到大家排隊等同胡迪影相,我都唔執輸排埋一份.唔知係咪唔同時段有其他人物可以影呢?如果係,我諗真係要去多幾次. 排完隊等影,我同阿妹就去玩彈弓狗.嘩!呢個GAME好受歡迎,條隊超長,不過我地都照等,一場黎到無理由唔玩,等左45分鐘後,終於到我地喇! 玩彈弓狗一D都唔驚,真係老少咸宜,一家大細玩呢個最好!之後因為無人陪我玩玩具兵團跳降傘,所以要等下次同老公去再玩. 玩完TOY STORY LAND,再去食下野,睇左SHOW,玩旋轉木馬,玩咁快又天黑.好彩今次係臨走先落雨,所以都影到相.走之前當然要去SHOOPING,順便買D賀年禮盒啦! 去過迪士尼玩咁多次,都覺得D機動遊戲好安全,好少故障,有時去到某D遊戲無得玩,多數都係因為天氣差所以暫停.所以大家想玩齊所有GAME,最好天氣好既時候去喇!而根據官方資料顯示,樂園設施都有安全系列,如系統感應到任何問題,會自動快速暫停,保障大家安全.雖然我會玩機動遊戲,但自問比較細膽,所以知道迪士尼的設施有安全系統,而且以往都沒有嚴重事故發生,會玩得放心好多! 大家如果仲未去玩TOY STORY LAND,又或者新年未有節目,就快D趁假期一家大細去玩下啦!
