每逢雨季，我最鐘意就係繡球花。 上年六月係日本處處開滿繡球花（日本稱為紫陽花），圓圓的呈半球狀， 顏色更係充滿少女味的粉藍、粉紫同粉紅～ 係香港就好難係街邊見到繡球花， 但係係大埔的嘉道理農場暨植物園就有唔少。 雖然六月尾已經過左花期，但係都有Ｄ可以影一影， 仲係一個唔錯的家庭樂地點。 ———————————— 日期：17/06/2018 天氣：時晴、有風 地點：嘉道理農場暨植物園 交通：太和、大埔等地坐64K 巴士於嘉道理農場暨植物園站下車 費用：有 ————————————————— 嘉道理農場9:30AM開門，我地想先坐穿棱巴士上山頂再慢慢行落黎。 一般成人門票＄３０，６５歲式以上長者免門票， 不過穿梭巴士仍然要收費，只係６５歲或以上的長者有優惠。 買完門票可以係附近閒逛一會。旁邊有素食亭、行上少少亦有洗手間。 建議先去洗手間，因為山上唔多景點有洗手間。 門票處旁邊下樓梯就係穿梭巴士站，憑票全日都可以上落穿梭巴士遊覽各站， 所以千其千其千其唔好唔見左張飛。。。我就未上車就差Ｄ唔見左-.- 點擊圖片放大 我地打算上最高的「觀音山站」再行返落黎， 記住巴士過左觀音山站後直奔山腳，所以諗清楚自己到底想點行。 另外巴士每２０分鐘一班，班次都幾密， 但係馬路行又唔會覺得成日有車經過好危險。 巴士夠鐘就開車，唔洗擔心死都唔開車。 ＞＞＞＞＞ 我地坐10AM 班車，車程約３５分鐘，沿途有廣播介紹景點。 到左「觀音山站」落車。 觀音山係全區最高點，可以飽覽山下一帶景色！ 點擊圖片放大 之後我地就向「嘉道理兄弟紀念亭」出發～～ 其實係向後行返800M，分叉口會有地圖，非常清楚。 另外可以係門票處免費索取地圖，仲可以用完還返比佢地，支拎環保！ 我地係馬路邊已經見到好多繡球花，所以冇上去， 不過成個場都係得呢個點有繡球花影，所以大家可以直接黎左呢個站影相先～ 點擊圖片放大 ６月尾的繡球花仲有個形狀，同埋路邊的都是粉紅或粉藍。 由於好多都開始凋零，所以搵左好耐先搵到一處影到心水照，哈哈。 之後我地沿路經過一個又一個景點 途中有一堆堆木放在馬路旁。點擊圖片放大 +2 然後有一下天氣超好！藍天配上青翠山景，是拍照的好地點！ 接著，繼續行！ 嘉道理有好多生物，所以有多好少係市區見到的路牌。 我就見到有鹿、龜和箭豬 ＞＞＞＞＞ 點擊圖片放大 +4 行到蘭花園，由於唔係季節所以冇花睇... 但係入面有休憩處，更有冷熱水提供！ 仲要係冰水呀～～～～～～～～～～於是我都坐一坐，補補水先。點擊圖片放大 ＞＞＞＞＞＞＞＞＞＞＞＞ 由於行到一點多，所以勁肚餓， 正好比機會我試試「素食亭」的食物。 顧名思義，素食亭係冇肉食，而且有心理準備係獨市生意， 價錢一定唔會經濟實惠，但係我覺得都算便宜。 另外，素食亭係由精神病康復人士打理， 價錢大約５０蚊都有一碟意粉或飯，其實都非常值得支持！點擊圖片放大 我點了「四季豆粟米芝士意粉」（＄４０—５０）， 味道偏咸，但飽肚。 更有利用本園種植或養殖的食材、有機菜等提供。 食飽飽出返大埔，咁就玩左一日啦～～ 最後留意返繡球花的花期係３月到５月啊！ 而四季都有唔同的動植物， 集省錢、親子、學習、攝影、做文青等等等等的活動於一身！ 有時間可以去啊（笑～
