尖沙咀K11 Musea近海旁位置最近開咗一間新法國餐廳，主打法國🇫🇷青口鍋、特色奄列及各式歐陸菜。餐廳劃分咗兩個區域，用餐區有吧枱及半開放式座位，另一邊嘅地方俾人嘅感覺好似喺咖啡室咁，藍白色籐椅再加上落地玻璃，一邊望住個海景一邊飲咖啡，非常寫意。點擊圖片放大 ▫️Japanese Style French Mussels (HKD188) - 用柚子作烹調方法嘅青口真係第一次食。將日式柚子胡椒、忌廉等加埋一齊嚟整個醬汁，估唔到味道同法國藍青口嘅鮮味出奇地夾喎。每份青口都會配一份粗薯條。薯條可以點啲忌廉汁後先好食，有柚子味道容易入口好多㗎。 ▫️U.S. Prime Flank Steak (HKD328) - 一份選用U.S. Prime級別嘅側腹牛扒有8oz重，肉質軟腍。配上自家製阿根廷香草汁，味道有啲酸酸地，幾特別。 到訪當日仲有機會享用開業優惠，就係惠顧任何一款口味招牌青口料理即可獲贈西班牙有氣酒Cava一杯(價值HKD98)😍😍或全單惠顧滿$800可獲贈西班牙有氣酒Cava一枝 (價值$480)。我以為有氣酒會甜味重啲，點知飲落係似白酒多啲，用來送青口一流喎。
