這間餐廳開業短短3個禮拜我已經食咗兩次。點解？因為味道正宗，因為服務態度好，因為想支持吓小店...睇得出店員們跟老闆都好用心去做。兩次都係食午市套餐但食咗唔同嘅主菜。喜歡台灣小食嘅話可以加錢點。價錢由HKD28-HKD32不等。份量都幾多可以同朋友share食。 ▫️麻辣牛肉麵 (HKD68) - 湯麵套餐除咗有一碗麵外，仲有油條、酸菜同埋是日小菜作配搭。所有食物跟餐具排到整整齊齊然後用一個木盤上餐，非常方便快捷。麵條我揀咗手工寬麵，貪麵條夠粗，容易啲做到掛湯效果，食嘅時候就更加美味😆😆 牛肉軟腍易咬開，咀嚼嘅時候帶出嘅麻辣味實在令人回味無窮。湯底味道濃郁，食油條時記住放落碗湯度浸一下先好食，吸收咗牛肉湯嘅油條有另一番風味😋點擊圖片放大 +$15 將飲品升級至復刻奶茶。▫️台式鹽酥排骨飯 (HKD58)一大件炸排骨舖蓋喺白飯上面。排骨外皮非常香脆。個飯仲跟半隻溏心蛋呢。 餐飲叫咗杯凍冬瓜茶。食完熱食飲杯冬瓜茶確係幾爽。可惜味道實在太甜，我哋唔係幾接受到🙈(點餐時問過可唔可以少甜，店員話甜度一早set好咗所以冇得改)+$30 基隆甜不辣 - 甜不辣係我哋好鍾意食嘅台式小食。基本上去台式餐廳必點嘅食物😂 甜不辣有少量蒜頭舖喺甜不辣上面，我覺得係ok嘅。唔食蒜頭嘅朋友就要留意喇。 兩次幫襯都見到老闆娘傅佩嘉忙於喺水吧度為客人整飲品。真係見佢做到冇停手㗎。順帶一提，餐廳地下係做外賣台式便當嘅，價錢大約50幾蚊就有一款(連飲品)。午飯時候有大量人群在店外等外賣，令繁忙嘅蘭杜街更加繁忙了😝😝待續...📍尚青商號灣仔蘭杜街4號文熙大廈地鋪
