今次係我第二次來紐約 亦都係第二次食龍蝦當早餐 名為The Lobster Place 嘅海鮮市場位於 Chelsea Market 入面 雖然Chelsea Market官網上寫 The Lobster Place 開業時間為上午9:30 但其實好似只有賣生海鮮同埋”Steamed Lobster” 櫃位係開門之外 其他櫃位例如 “Oyster Bar”, “Sushi/Sashimi Bar”, “Soup/lobster roll/ Fish & Chips”等係開11:00am 或 11:30am㗎 好似我咁早上10點幾到達嘅話就只可以食喺龍蝦櫃位售賣嘅食物喇 櫃位除咗提供龍蝦之外其他食物有龍蝦炒飯 龍蝦Mac & Cheese 皇帝蟹腳等 湯類有 Clam Chowder 龍蝦湯等等 “Steamed Lobster” 分為四種價錢: - Small (1.5 pounds) - USD36.95 - Medium (2 pounds) - USD49.95 - Large (2.5 pounds) - USD61.95 - XLarge (3 pounds) - USD86.95 我買嘅就係small lobster 加一份 lobster mac & cheese! 龍蝦肉超級爽口 唔需要加任何醬料或調味料都已經夠好味！個龍蝦mac & cheese 今次係第一次喺The Lobster Place食 每啖龍蝦肉都被芝士包圍住 芝士通心粉帶出好濃烈嘅龍蝦味 叫人點忍得住口呢 The Lobster Place (Chelsea Market 入面） 75 9th Ave, New York, NY 10011, United States (去完Chelsea Market 之後仲有一個地方可以去㗎! 想知道喺邊度就要留意下一篇文章啦) Follow me on IG!
