話說喺倫敦食咗好多餐鬼佬嘢 (我哋一日可以食4餐) 於是係最後一日嘅Lunch諗住食吓中國菜 上網搵見呢間中國菜評分好似幾好 就走去試吓囉 餐廳門口同埋裡面嘅裝修同一般西餐廳無異 餐牌上嘅菜式有點心 炒粉麵飯 蔬菜 當然仲有好幾樣以鴨爲食材嘅餸 選擇都算多同埋應該啱外國人口味多啲 ▫️House Duck (Qtr £14.5) 餐牌上寫係 Cantonese Roast Duck一隻炸鴨脾嘅份量 侍應會即場表演手撕鴨 (想睇店員即場整手撕鴨就去呢度睇啦) 完成後就將鴨絲放喺麵粉皮加青瓜蒽絲加甜醬包起就食得喇 (好似平時食片皮鴨咁) 鴨肉好鬆軟 味道唔錯呀 ▫️Cha Siu Bun (3個 £6.5) 味道同我喺香港酒樓食嘅一樣啊 不過3個叉燒包要港幣60幾蚊會唔會貴咗啲 ▫️Sweet and Sour Pork (£10.8) 根據我所見到嘅 呢個餸最受老外歡迎 我就覺甜咗啲 有一樣嘢我覺得奇怪就係點解食咕嚕肉要俾支豉油我哋嘅 Follow me on IG!
