上網見到有人介紹呢間「吉祥寺 肉ドレス海鮮丼」話抵食又好味 於是我哋就去咗渋谷區新開嗰間分店 (開業只有一個多月) 喺Google map 嘅引領下 行過一條長長嘅樓梯 搵咗一段時間先搵到呢間丼店 個門口好細同埋要行條樓梯上二樓先入到店舖 想容易啲搵嘅話 就認住一間賣台灣飲品嘅店舖「阿伯」見到阿伯就代表差唔多到㗎啦 店舖只有13個座位 雖然我哋去到未至於要排隊食 (地點始終唔算就腳 應該唔多遊客掛) 但我哋就啱啱好坐咗第12同埋第13個位 店舖只賣一樣食品 就係黑毛和牛海鮮丼 價錢係由¥1,600起 想要多啲海膽 三文魚籽 白飯就另外加錢 我呢碗冇加到飯但就加咗3陪份量海膽 (¥500) 有點後悔冇追加三文魚籽呀 (3陪份量都只係加多¥500咋) 初初以為一碗飯只有薄切黑毛和牛 三文魚籽同埋海膽 原來薄切牛肉下面係有吞拿魚蓉加一隻半熟蛋！有蛋黃汁撈飯真係好好食呀 ⠀⠀⠀⠀⠀⠀⠀⠀⠀ ▫️唔想食生牛肉嘅話記得同店員講牛肉要全熟啊 ▫️有中英日文餐牌提供 點餐方面唔需要擔心 ⠀⠀⠀⠀⠀⠀⠀⠀⠀ 肉ドレス海鮮丼 渋谷道玄坂店 東京都渋谷区道玄坂2-28-7 翔壱ビル 2F (本店喺吉祥寺) Instagram: https://www.instagram.com/camera_eats_1st
