還記得舊公司當這餐廳是飯堂, 事無大少, 到慶祝節日都會黎呢個品牌開既餐廳食飯。 自從離職後就無黎過啦 價錢算中高水平, 食物水準同環境都屬頗高質素, 夜晚望住維港景色與愛人共進晚餐真係好鬼浪漫點擊圖片放大 +2 假日同平日既set lunch manual 唔同, 假日要最低$398+10%, 亦設有兒童餐$98+10%。 溫馨提示: 原本我地5大1細, 叫左4個套餐+1兒童餐, 不過佢地規定每人都要叫一樣野, 最後我地叫左盆沙律! 先講前菜, 每個餐可以選2個, 當中生蠔要加$38, 我地叫左4個套餐, 就可以試哂8個啦! 串燒牛肉 好味指數: 4分 約7成熟度, 保存了牛肉汁, 無落好重既調味, 食到牛肉鮮味!推介 Parma Ham 好味指數: 3分 當然無辦法跟風乾好多個月既相比啦, 不過少肥而且夠乾身, 配火箭菜一齊食都唔錯 生蠔 (這款需要加$38) 好味指數: 4分 因為懷有小B沒法品嘗, 單看色澤及大細均不錯 香煎帶子配辣香腸 好味指數: 4分 這個我認為值得選擇! 帶子屬於中形尺寸,味道鮮, 絕不是冷藏已久只餘下雪味那種貨式! 大蝦蟹肉沙律 好味指數: 3分 這道菜式平平無奇, 味道不過不失, 就是青瓜加上少許蟹肉及蝦肉, 建議可以選別的。 上者是蟹餅, 而下者是牛肉餅. 好味指數: 4分 有2分是給予大廚的心機 外面包酥皮, 內裡則是蟹及牛肉混合其他食材,如薯仔,香草等! 一點都不油膩! 建議可選擇其中一款試試 蕃茄煮牛肉丸 好味指數: 3分 茄醬味道濃郁, 酸酸甜甜頗開胃, 算不上是特別之選。 食完8道前菜, 一班女士門已經飽了一半, 主菜正式登場!!!! 牛油果沙律(內有雞蛋及風乾煙肉) 好食指數: 4 如果你是牛油果fans你一定要叫呢個沙律啦, 好多大大粒牛油果! 而且份量充足, 抵食! 蕃茄大蝦蟹肉扁意粉 好食指數:3.5分 大蝦約4-5隻, 而蟹肉則混合在蕃茄醬再加上車里茄、橄欖, 味道清新, 醒神開胃也~ 煎牛扒(配薯蓉) 好食指數: 4分 牛扒係呢間餐廳既生招牌! 果然無得輸, 7成熟剛剛好, 我一向認為好食既牛係唔需要點醬汁, 因為一砌裡面既牛肉汁已經走哂出黎! 威靈頓牛肉 好食指數: 3.5分 薯蓉裡面包著牛肉粒, 食到呢道菜我已經飽到不得了, 只是吃了幾口, 薯蓉充斥著牛肉味, 兩者都幾夾, 不過我都鍾意食煎既多d 白酒煮青口 (配法式麵包及薯條) 好食指數: 4分 推介之選 好食, 一D腥味都無! 呢道菜看似易煮, 不過實際上如果唔係用靚既青口, 會有腥臭味.....我連佢個汁我都唔放過, 香脆既麵包配上有香草同少少酒味既汁好Match ! 當然佢配有薯條當然加分。 兒童餐: 炸魚薯條 好食指數:3分 $98確實抵食, 不過就唔好期望咁高啦, 一般般, 炸魚無味要靠旁邊的醬料, 著條好唔錯, 夠脆 食完主菜當然唔少得甜品啦! 我地叫左兩款: 心太軟 好食指數: 4分 雪糕與心太軟果真是prefect match, 我忍不住也偷偷口了幾口! 流心朱古力配上冰凍雪糕, 無得輸! 蘋果奶酥 好食指數: 3.5分 我對這個甜品一向都是一般般, 因為一直都認為肉桂味道很重! 這個甜品也是配上雪糕, 我建議要一上就即食, 因為變凍後口感變得有點奇怪。唯一這個甜品沒有心太軟那麼甜, 有少少帶著蘋果的酸味。 總結好食指數: 4分 食後感: lunch set 食物分量不少, 如果是一班女士來, 我就建議可能叫2個沙律, 不要每人也叫套餐。否則食到肚爆 。另外, 這地方確實很適合情侶來慶祝紀念日, 佢地有一個露台, 可以行出去先飲杯野, 吹下風, 睇下景色 歡迎找我合作試用 , 試食及出席活動 EMAIL: maggiewong0207@gmail.com
