上次參與完「山日會」，一直心郁郁想行埋其他路線，終於完成咗「自然步道集章挑戰」嘅大東山路線啦，仲換埋個靚靚襟章添！ 之前行千島湖嗰陣真係熱到hihi，又勁多人，所以特登揀返啲涼爽啲嘅日子先至的起心肝挑戰大東山。 而家個襟章已經掛咗喺我個背囊上面啦，每次行山都帶住佢，就好似帶住嗰日嘅美好回憶咁！ 希望可以限期前挑戰埋其他路線，可以儲齊一套襟章呀！ 雖然大東山真係幾難行下，好嘥力，但係啲景真係靚到dum一聲！ 我由伯公坳出發，一路向上行，真係攰到嘔，不過去到山頂嗰下，嘩！嗰種滿足感真係爆棚呀！個景真係超開揚，可以睇到好遠，忍唔住瘋狂影相！ 見到芒草，幾辛苦都值得！
