最近先知LUBUDS Group喺時代廣場有好多間唔同類型餐廳嘅: 中、西、日式料理& coffee shop都有🙆🏻♀️ 食完一間去shopping坐低飲杯咖啡又可以食另一間🤭 一日去幾間可以食到唔同種類嘅美食 ★*"`'*-.,_,.-*'`"*-.,_☆,.-*`'`*-.,_,.-*`'`* 我首先去左鮨穴食lunch🍣 之前我都食過一次架喇 今次再encore😆 呢度食材好新鮮 每日由日本直送到店🙆🏻♀️ 個特上刺身拼盤最出色 擺盤吸引 由師傅親自操刀解魚 炮製成刺身 刺身包括: 左口魚、帶子、拖羅、三文魚、魚子、油甘魚、吞拿魚、鯛魚、牡丹蝦🦐 2-3個人share都夠食👍🏻 雜錦天扶良有: 南瓜、秋葵、番薯、茄子、蝦、魚、蟹鉗等🎃 炸得唔油膩 仲配左幾款鹽/醬汁 按自己喜好選擇😋 另外仲叫左松葉蟹鉗配海膽 三蟹卷 帶子紫蘇卷 大滿足🤗 整體食物都幾滿意🫡 點擊圖片放大 - ✨ 特上刺身拼盤 ($618) ✨ 雜錦天扶良 ($308) ✨ 松葉蟹鉗配海膽 ($108) ✨ 三蟹卷 ($88) ✨ 帶子紫蘇卷 ($58) +10% service charge - 📍 鮨穴 Zushi ANA @zushiana 銅鑼灣勿地臣街 1 號時代廣場 12 樓 1202 號舖 -★*"`'*-.,_,.-*'`"*-.,_☆,.-*`'`*-.,_,.-*`'`* 之後行街行到好攰 搵左間coffee shop 坐低飲杯野 原來有杯「Cyclops Coffee - Craft by Moses」係由陳豪親自主理😯 由搵莊園 向農夫直接買豆、測試、烘焙到出品都由 Moses一手包辦 咖啡豆嚟自哥倫比亞 入口偏Nutty同微微苦澀 好有層次 鍾意Nutty咖啡嘅唔好錯過喇☕ 點擊圖片放大 另外仲叫左Green Tea Latte 可以加雲呢拿糖漿 飲落比平時果D特別🍵 - ✨ Craft by Moses ($78) ✨ Green Tea Latte ($48) - 📍 Blooms Coffee @bloomscoffee 銅鑼灣勿地臣街 1 號時代廣場食通天 11 樓 Open Area -★*"`'*-.,_,.-*'`"*-.,_☆,.-*`'`*-.,_,.-*`'`* 最後去左主打重慶火鍋嘅「川川」食晚餐☺️ 我通常去Shabu Shabu 多 平時好少食呢類中式火鍋 估唔到幾有驚喜 而且服務好好 值得一試👍🏻 點擊圖片放大 +2 本身以為重慶火鍋湯底一定好辣 原來都有唔辣嘅選擇 或者可以揀雙拼🍲 唔辣嘅湯底店員推介果香魚湯同芫荽皮蛋湯 店員話麻辣湯底用左嚟自四川嘅原材料同二十種香料整成 下次要試下先🌶️ 叫左幾款火鍋配料 食材好新鮮👏🏻 推介手切安格斯牛肉 就咁睇紋理已經知好出色😍 食落牛肉味濃 肥瘦均勻 好正🤤 厚切牛脷都好高質 係我見過最厚切嘅牛脷👅 肉質軟腍 口感好好💯 另外仲叫左貴妃蚌 桂花魚片同鴨血💁🏻♀️ 青椒清香桂花魚細嘅份量都幾多 夠2-3人分🐟 面頭有大量芫茜調味 花椒同辣椒可以另外上 按自己喜好加 桂花魚好鮮嫩 入面仲有烏冬 配埋清魚湯食幾夾😋 第一次食麻辣小籠包 一咬落去肉汁爆哂出嚟🫣 唔算好辣 慢慢會有麻嘅感覺 幾得意🤣 - ✨ 手切安格斯牛肉 ($368) ✨ 貴妃蚌 ($188) ✨ 桂花魚片 ($) ✨ 厚切牛脷 ($258) ✨ 鴨血 ($88) ✨ 麻辣小籠包 ($58) ✨ 桂花魚 (青椒清香) ($468) +10% service charge - 📍 川川 @chuanhongkong 銅鑼灣勿地臣街 1 號時代廣場 11 樓 1102 號舖 #社群試食 LUBUDS #熱門菜式 #銅鑼灣美食 #打卡美食 #BloomsCoffee # 鮨穴 #川川 #LUBUDS
